ഭാവന മലയാളത്തിലേക്ക് തിരിച്ചെത്തുന്നതിന്റെ സന്തോഷം പങ്കുവെച്ച് നടന് ഷറഫുദ്ദീന്. ‘ന്റിക്കാക്കാക്കൊരു പ്രേമണ്ടാര്ന്ന്’ എന്ന സിനിമയിലൂടെയാണ് അഞ്ച് വര്ഷത്തിന് ശേഷം ഭാവന മലയാള സിനിമയിലേക്ക് തിരിച്ചെത്തുന്നത്. ഭാവനയോടൊപ്പം അഭിനയിച്ചതിനെ കുറിച്ചാണ് ഷറഫുദ്ദീന് ഇപ്പോള് തുറന്നു പറയുന്നത്.
‘ന്റിക്കാക്കാക്കൊരു പ്രേമണ്ടാര്ന്ന്’ ഒരു ചെറിയ സിനിമയാണ്. ഭാവനയുമായി തനിക്ക് വളരെ നല്ല അനുഭവം ആയിരുന്നു. ചിത്രീകരണ സമയത്ത് തങ്ങള് തമ്മില് നല്ല ഇടപെടലായിരുന്നു ഉണ്ടായിരുന്നത്. ഏറെ നാളുകള്ക്ക് ശേഷം ഭാവന ഒരു സിനിമ ചെയ്യുമ്പോള് താനും അതില് ഒരു ഭാഗമാണെന്നത് ഒരുപാട് സന്തോഷം തരുന്നുണ്ട്.
ഭാവനയും അത് ചെയ്യാന് തയ്യാറായപ്പോള് ഒരുപാട് സന്തോഷം തോന്നി. താനും ഭാവനയുടെ വരവിനെയാണ് ഈ ചിത്രത്തില് നോക്കി കാണുന്നത് എന്നാണ് ഷറഫുദ്ദീന് പറയുന്നത്. അതേസമയം, ചിത്രത്തിന്റെ ഓഡിയോ ലോഞ്ച് കഴിഞ്ഞ ആഴ്ച നടന്നിരുന്നു. ‘കല്യാണപ്പാട്ട്’ എന്ന ഗാനത്തിന്റെ ലിറിക്കല് വീഡിയോയും പുറത്തു വിട്ടിരുന്നു.
ആദില് മൈമുനാത്ത് അഷ്റഫ് രചനയും സംവിധാനവും നിര്വ്വഹിക്കുന്ന ചിത്രം നിര്മ്മിക്കുന്നത് ബോണ്ഹോമി എന്റര്ടൈന്മെന്റ്സിന്റെ ബാനറില് ലണ്ടന് ടാക്കീസുമായി ചേര്ന്ന് റെനീഷ് അബ്ദുള് ഖാദര്, രാജേഷ് കൃഷ്ണ എന്നിവരാണ്.
അശോകന്, അനാര്ക്കലി നാസര്, ഷെബിന് ബെന്സണ്, അഫ്സാന ലക്ഷ്മി എന്നിവര് ചിത്രത്തില് മറ്റ് കഥാപാത്രങ്ങളെ അവതരിപ്പിക്കുന്നു. മാജിക് ഫ്രെയിംസ് ആണ് ചിത്രം വിതരണത്തിന് എത്തിക്കുന്നത്. അരുണ് റഷ്ദി ആണ് ഛായാഗ്രഹണം.