അടിയന്തര നേത്ര ശസ്ത്രക്രിയയ്ക്കായി നടന് ഷാരൂഖ് ഖാന് അമേരിക്കയിലേക്ക് പോവുകയാണെന്ന് റിപ്പോർട്ട്. ഇന്നോ നാളെയോ അമേരിക്കയിലേക്ക് യാത്രയാകും എന്നാണ് റിപോർട്ടുകൾ.
നേത്ര ചികിത്സയ്ക്കായി ജൂലൈ 29 തിങ്കളാഴ്ച മുംബൈയിലെ ഒരു ആശുപത്രിയിൽ താരത്തെ പ്രവേശിപ്പിച്ചിരുന്നു. അന്ന് നടക്കേണ്ടിയിരുന്ന ശസ്ത്രക്രിയ ചില കാരണങ്ങളാല് നടന്നില്ല. തൊട്ടുപിന്നാലെയാണ് അമേരിക്കയിലേക്ക് തിരിക്കുന്നത്.
അതേസമയം ചികിത്സയുടെ വിവരങ്ങൾ ഒന്നും തന്നെ ഇതുവരെ ഔദ്യോഗികമായി പുറത്തുവിട്ടിട്ടില്ല. 2014ല് ചെറിയ രീതിയിൽ നടന്റെ കാഴ്ച മങ്ങിയതിനെ തുടര്ന്ന് ശസ്ത്രക്രിയക്ക് വിധേയനാക്കിയിരുന്നു.
ഈ വർഷം മെയ് മാസത്തിൽ, അഹമ്മദാബാദിൽ നടന്ന ഐപിഎൽ ടീമായ കൊൽക്കത്ത നൈറ്റ് റൈഡേഴ്സിന് വേണ്ടിയുള്ള മത്സരത്തിനിടെ ഹീറ്റ് സ്ട്രോക്ക് അനുഭവപ്പെട്ടതിനെ തുടർന്ന് ഷാരൂഖ് ഖാനെ ആശുപത്രിയിൽ പ്രവേശിപ്പിച്ചിരുന്നു.