വിവാഹനിശ്ചയം കഴിഞ്ഞതിന് ശേഷം പിരിഞ്ഞവരാണ് നടി രശ്മി മന്ദാനയും നടന് രക്ഷിത് ഷെട്ടിയും. രശ്മിക മറ്റൊരു പ്രണയത്തിലായി എന്നതടക്കമുള്ള ഗോസിപ്പുകള് പ്രചരിച്ചെങ്കിലും പിരിയാനുള്ള വ്യക്തമായൊരു കാരണം ഇരുതാരങ്ങളും പങ്കുവച്ചിട്ടില്ല.
വിവാഹം വേണ്ടെന്ന് വച്ചെങ്കിലും തങ്ങളുടെ സൗഹൃദം വേണ്ടെന്ന് വച്ചിട്ടില്ല എന്നാണ് രക്ഷിത് ഷെട്ടി വ്യക്തമാക്കുന്നത്. അടുത്തിടെ നല്കിയ ഒരു അഭിമുഖത്തിലാണ് തങ്ങള് ഇപ്പോഴും സൗഹൃദം തുടരുന്നുണ്ടെന്ന് രക്ഷിത് ഷെട്ടി തുറന്നു പറഞ്ഞത്. ഋഷഭ് നിര്മ്മിച്ച രക്ഷിത് നായകനായ ‘കിരിക്ക് പാര്ട്ടി’യിലൂടെ ആയിരുന്നു രശ്മികയുടെ സംവിധാന അരങ്ങേറ്റം.
എന്നാല് ഒരു അഭിമുഖത്തിനിടയില് രശ്മിക തന്റെ അരങ്ങേറ്റത്തെ കുറിച്ചു പറയുമ്പോള് ഋഷബിന്റെ പേര് പരാമര്ശിച്ചിരുന്നില്ല. ഇതിനെതിരെ ഋഷഭ് ഷെട്ടി പ്രതികരിച്ചിരുന്നു. ഋഷഭ് ഷെട്ടിയുടെ സൂപ്പര് ഹിറ്റ് ചിത്രം ‘കാന്താര’ കണ്ടില്ലെന്ന് രശ്മിക പറഞ്ഞതും വിവാദമായിരുന്നു.
രശ്മിക, ഋഷബ് ഷെട്ടി, രക്ഷിത് എന്നിവര്ക്കിടയില് സൗഹാര്ദ്ദപരമായ അന്തരീക്ഷമുണ്ടോ എന്ന ചോദ്യത്തോടാണ് രക്ഷിത് ഇപ്പോള് പ്രതികരിച്ചത്. ”ഋഷബിന്റെ കാര്യത്തില് എനിക്ക് ഉറപ്പില്ല. ഞാനും രശ്മികയും, ഞങ്ങള് ഇടയ്ക്കിടെ മെസേജ് ചെയ്യാറുണ്ട്. സ്ഥിരമായി കമ്മ്യൂണിക്കേഷനില്ല.”
”എന്നാല് എന്റെ സിനിമ റിലീസ് ചെയ്യുമ്പോഴെല്ലാം അവള് എനിക്ക് ബെസ്റ്റ് വിഷസ് പറയാറുണ്ട്. രശ്മികയുടെ സിനിമകള് റിലീസ് ചെയ്യുമ്പോള് ഞാനും വിജയം ആശംസിക്കാറുണ്ട്. ജന്മദിനങ്ങളിലും ഞങ്ങള് പരസ്പരം ആശംസകള് കൈമാറുന്നുണ്ട്” എന്നാണ് രക്ഷിത് പറഞ്ഞത്.