‘ഗുരുവായൂരമ്പല നടയില്’ സിനിമ ഇറങ്ങിയപ്പോള് കേരളത്തിലുള്ളവര് തന്നെ തെറിവിളിയാണെങ്കില് തമിഴ്നാട്ടില് തനിക്ക് സ്വീകരണമാണ് ലഭിച്ചതെന്ന് നടി നിഖില വിമല്. നിഖില അവതരിപ്പിച്ച പാര്വതി എന്ന കഥാപാത്രത്തിന്റെ ഇന്ട്രൊ സോംഗ് ആയി ‘അഴകിയ ലൈല’ എന്ന ഹിറ്റ് ഗാനം ചിത്രത്തില് ഉള്പ്പെടുത്തിയിരുന്നു.
തമിഴ്നാട്ടില് ഇത് ട്രെന്ഡ് ആയി മാറിയിരുന്നു. സിനിമ ഇറങ്ങിയ ശേഷം ദിവസവും നൂറിലധികം പേര് ഇന്സ്റ്റയില് പാട്ടിനൊപ്പം മെന്ഷന് ചെയ്യുമായിരുന്നു. മാരി സെല്വരാജിന്റെ വാഴൈ എന്ന തമിഴ് സിനിമയുടെ പ്രമോഷന് പരിപാടികള്ക്കായി തമിഴ്നാട്ടില് എത്തിയപ്പോള് തനിക്കത് നേരിട്ട് കാണാനായി എന്നാണ് നിഖില പറയുന്നത്.
തമിഴ്നാട്ടില് ഈ പാട്ട് ട്രെന്ഡിങ് ആയിരുന്നു. അവരുടെ ഹിറ്റ് സോംഗ് ആണല്ലോ, അതുകൊണ്ടായിരിക്കാം. ഇവിടെയുള്ളതിനേക്കാള് ഹിറ്റായിരുന്നു തമിഴ്നാട്ടില് അഴകിയ ലൈലാ. ഗുരുവായൂരമ്പല നടയില് ഒരു പീക്ക് മൊമന്റിലാണല്ലോ ആ പാട്ട് വരുന്നത്.
അതുകൊണ്ട് എനിക്ക് എവിടെയും ഈ പാട്ടിനെ കുറിച്ച് ഷെയര് ചെയ്യാന് കഴിയില്ലായിരുന്നു. പക്ഷെ സിനിമ ഇറങ്ങിയ ശേഷം ദിവസവും നൂറില് കൂടുതല് പേര് ഇന്സ്റ്റയിലും മറ്റും സ്റ്റോറിയില് പാട്ടിനൊപ്പം മെന്ഷന് ചെയ്യുമായിരുന്നു. ഒ.ടി.ടി റിലീസ് വരെ എല്ലാ ദിവസവും എന്ന പോലെ ഇങ്ങനെ മെന്ഷന് വരുമായിരുന്നു.
സിനിമ ഇറങ്ങിയപ്പോള് ഒറ്റ എക്സ്പ്രഷനില് അഭിനയിക്കുന്നു എന്ന് പറഞ്ഞ് ഇവിടെയുള്ളവര് തെറിവിളിയായിരുന്നു. പക്ഷെ ആ സമയത്ത് തമിഴ്നാട്ടില് ചെന്നപ്പോള് പടത്തിന്റെ വിജയത്തെ എങ്ങനെ കാണുന്നു എന്നായിരുന്നു ചോദ്യം. പ്രത്യേകിച്ചൊന്നും തോന്നുന്നില്ല എന്നായിരുന്നു എന്റെ മറുപടി എന്നാണ് നിഖില ഒരു അഭിമുഖത്തില് സംസാരിക്കവെ പ്രതികരിച്ചത്.