വിക്രം, ഐശ്വര്യ റായ, പൃഥ്വിരാജ് എന്നിവരെ പ്രധാന കഥാപാത്രങ്ങളാക്കി മണിരത്നം സംവിധാനം ചെയ്ത് 2010-ൽ പുറത്തുവന്ന സിനിമയാണ് ‘രാവണൻ’.
ഇപ്പോഴിതാ രാവണനിൽ അഭിനയിച്ചപ്പോഴുണ്ടായ അനുഭവങ്ങൾ പങ്കുവെക്കുകയാണ് പൃഥ്വിരാജ്. മണിരത്നം സെറ്റിൽ എഡിറ്ററെ വെക്കാറില്ലെന്നും അതിനുള്ള കാരണം താൻ രാവണൻ എന്ന സിനിമയുടെ ചിത്രീകരണ സമയത്ത് ചോദിച്ചിരുന്നെന്നും പൃഥ്വിരാജ് പറയുന്നു.
“ഞാൻ അദ്ദേഹത്തോട് ഒരു കാര്യം ചോദിച്ചിരുന്നു. ഇത്രയും സന്നാഹങ്ങളുണ്ട് സെറ്റിൽ ഒരു എഡിറ്റർ മാത്രമില്ല, എൻ്റെ ലൊക്കേഷനിലും എഡിറ്റർ ഉണ്ടാവാറുണ്ട്. ഞാനൊരിക്കലും മറക്കാത്ത ഉത്തരമാണ് അദ്ദേഹം നൽകിയത്.
എഡിറ്റർ ഒരിക്കലും ഒരു ഷോട്ടിന് പിന്നിലുള്ള കഷ്ടപ്പാടുകൾ കാണരുത്, കട്ട് ചെയ്ത് കളയേണ്ട സീനാണെങ്കിൽ ഈ സീനിന് പിന്നിൽ ഇത്രയും അധ്വാനമുണ്ടല്ലോ എന്ന ചിന്തയാൽ അയാൾ സ്വീധീനിക്കപ്പെടരുത് എന്നാണ് മണി സാർ പറഞ്ഞത്”. എന്നാണ് ഫിലിം കമ്പാനിയന് നൽകിയ അഭിമുഖത്തിൽ പൃഥ്വിരാജ് പറഞ്ഞത്.