മലയാള സിനിമാ ലോകം ഏറെ ആവേശത്തോടെ കാത്തിരിക്കുന്ന സിനിമയാണ് മാമാങ്കം. എം. പത്മകുമാറിന്റെ സംവിധാനത്തിലൊരുങ്ങുന്ന മമ്മൂട്ടിയുടെ ബ്രഹ്മാണ്ഡ ചരിത്ര സിനിമയുടെ ഓഡിയോ ലോഞ്ച് അടുത്തിടെ കൊച്ചിയില് നടന്നിരുന്നു. ചിത്രത്തില് ഉണ്ണി മുകുന്ദനാണ് ഹീറോയെന്നാണ് മമ്മൂട്ടി പറയുന്നത്.
“ഈ പടത്തില് ഉണ്ണി മുകുന്ദന് തന്നെയാണ് ഹീറോ. ഉണ്ണി മുകുന്ദന് പ്രേമമുണ്ട്, പാട്ടുണ്ട്, ഫൈറ്റുണ്ട്. ഇതൊന്നും എനിക്കില്ല.” ചിരിയോടെ മമ്മൂട്ടി പറഞ്ഞു. “ഇതിലെനിക്ക് ഫൈറ്റുണ്ട്, പ്രേമമൊന്നുമില്ല. ആരെ പ്രേമിക്കാന്.” സരസമായി തന്നെ മമ്മൂട്ടി പറഞ്ഞു. “ഓര്ഗാനിക് ആയിട്ടുള്ള സിനിമയാണ് മാമാങ്കം. സാധാരണയായി ചരിത്ര സിനിമകളില് കാണാറുള്ള അത്ഭുത പ്രവര്ത്തികളൊന്നും ഈ സിനിമയിലില്ല. ഗ്രീന് മാറ്റുകള് ഒന്നും ഉപയോഗിച്ചിട്ടില്ല. 15 ശതമാനത്തോളം വി.എഫ്.എക്സ് വര്ക്കുകള് മാത്രമേ മാമാങ്കത്തില് ഉപയോഗിച്ചിട്ടുള്ളു.” മമ്മൂട്ടി കൂട്ടിച്ചേര്ത്തു.
ശങ്കര് രാമകൃഷ്ണന് തിരക്കഥയൊരുക്കിയ ചിത്രം മലയാളത്തിനു പുറമെ തമിഴ്, തെലുങ്ക്, ഹിന്ദി ഭാഷകളിലാണ് പുറത്തിറങ്ങുന്നത്. മമ്മൂട്ടി, ഉണ്ണി മുകുന്ദന്, കനിഹ, അനു സിത്താര, സിദ്ദീഖ്, തരുണ് അറോറ, സുദേവ് നായര്, സുരേഷ് കൃഷ്ണ, പ്രാചി തഹ്ലാന് തുടങ്ങി വന് താരനിര തന്നെയുണ്ട് ചിത്രത്തില്. പ്രവാസി വ്യവസായി വേണു കുന്നപ്പള്ളി നിര്മിക്കുന്ന ചിത്രത്തിന് സംഗീതമൊരുക്കുന്നത് എം. ജയചന്ദ്രനാണ്. നവംബര് 21-ന് ലോകവ്യാപകമായി ചിത്രം പ്രദര്ശനത്തിനെത്തും.