ആദ്യമായി തന്റെ പ്രണയത്തെ കുറിച്ചും വിവാഹ സങ്കല്പ്പങ്ങഴെ കുറിച്ചും മനസ് തുറന്ന് തെലുങ്ക് സൂപ്പര് താരം വിജയ് ദേവരകൊണ്ട. താന് ഇപ്പോള് പ്രണയത്തിലാണെന്നും ഒപ്പം അഭിനയിച്ചിട്ടുള്ള നടിയെ പ്രണയിച്ചിട്ടുണ്ടെന്നും താരം അടുത്തിടെ ഒരു അഭിമുഖത്തില് വെളിപ്പെടുത്തി.
എനിക്ക് 35 വയസായി. അതുകൊണ്ട് തന്നെ ഞാന് ഇപ്പോഴും സിംഗിളായിരിക്കുമെന്ന് നിങ്ങള് കരുതുന്നുണ്ടോ? പ്രണയ ബന്ധത്തിലേക്ക് കടക്കുന്നതിന് മുമ്പ് ശക്തമായ ഒരു സൗഹൃദം കെട്ടിപ്പടുക്കാനാണ് ഞാന് ഇഷ്ടപ്പെടുന്നത്. ഡേറ്റിന് പോകാറില്ല. ഒരാളെ പരിചയപ്പെട്ടതിന് ശേഷം വളരെക്കാലം സംസാരിച്ച് സൗഹൃദം കെട്ടിപ്പടുത്തതിന് ശേഷം മാത്രമാണ് ഞാന് ഡേറ്റിന് പോകാറുള്ളത്.
സ്നേഹിക്കപ്പെടുമ്പോള് അത് എന്താണെന്ന് എനിക്കറിയാം. എനിക്ക് നിരുപാധികമായ സ്നേഹം അറിയില്ല. കാരണം എന്റെ സ്നേഹം പ്രതീക്ഷകളോടെയാണ് വരുന്നത്. അതിനാല് വ്യക്തമായും എന്റെ സ്നേഹം നിരുപാധികമല്ലെന്ന് തോന്നുന്നു.
നിരുപാധികമായ സ്നേഹം പ്രതീക്ഷിക്കുന്നത് ശരിയാണോയെന്ന് പോലും എനിക്കറിയില്ല. വിവാഹം ഒരാളുടെ കരിയറിനിടയില് വരേണ്ടതില്ല. വിവാഹം സ്ത്രീകളെ സംബന്ധിച്ചിടത്തോളം ബുദ്ധിമുട്ടാണ്. അത് നിങ്ങള് ചെയ്യുന്ന തൊഴിലിനെ ആശ്രയിച്ചിരിക്കുന്നു- വിജയ് പറഞ്ഞു.
ഒപ്പം അഭിനയിച്ച നടിയെ പ്രണയിച്ചിട്ടുണ്ടോയെന്ന് ചോദിച്ചപ്പോള് ഉണ്ടെന്ന് താരം സമ്മതിച്ചു. കഴിഞ്ഞ കുറച്ച് വര്ഷങ്ങളായി നടി രശ്മിക മന്ദാനയുമായി വിജയ് ദേവരകൊണ്ട പ്രണയത്തിലാണെന്ന് ഗോസിപ്പുകള് എയറിലുള്ളപ്പോള് നടന്റെ തുറന്നുപറച്ചില് വീണ്ടും ചര്ച്ചകള്ക്ക് ചൂടുപകര്ന്നിരിക്കുകയാണ്. ഗീത ഗോവിന്ദം, ഡിയര് കോമ്രേഡ് തുടങ്ങിയ ചിത്രങ്ങളില് ഇരുവരും ഒരുമിച്ച് അഭിനയിച്ചിരുന്നു.