മോഹന്ലാലിനെക്കാള് തീവ്രമായി എന്നെ അതിശയിപ്പിച്ചത് ഫഹദ് ഫാസില് ആണെന്ന് സംവിധായകനും ഛായാഗ്രാഹകനുമായ വേണു. കൗമുദി ടിവിയുടെ സ്ട്രെയിറ്റ് ലൈന് എന്ന പരിപാടിയില് പങ്കെടുത്ത് സംസാരിക്കുമ്പോഴാണ് അദ്ദേഹം പഴയ മോഹന്ലാലിനെയും പുതിയ മോഹന്ലാലിനെയും താരതമ്യപ്പെടുത്തുകയും അന്ന് തന്നെ അതിശയിപ്പിച്ചത് മോഹന്ലാല് ആണെന്നും അതിന് ശേഷം ഇപ്പോള് അതിലും തീവ്രമായി അതിശയിപ്പിച്ചത് ഫഹദ് ഫാസിലാണെന്നും വേണു പറഞ്ഞത്. കാര്ബണ് എന്ന തന്റെ പുതിയ ചിത്രത്തെക്കുറിച്ച് സംസാരിക്കുമ്പോഴാണ് ഇക്കാര്യം വേണു പറഞ്ഞത്.
ഫഹദിനെ മാറ്റി നിര്ത്തിയാല് ഏറ്റവും വിസ്മയിപ്പിച്ചിട്ടുള്ള നടന് ആരാണെന്ന ചോദ്യത്തിനാണ് വേണു ഇങ്ങനെ മറുപടി നല്കി.
എന്നെ ആദ്യം വിസ്മയിപ്പിച്ചത് തീര്ച്ചയായും മോഹന്ലാലാണ്. മോഹന്ലാല് എന്നെ വിസ്മയിപ്പിച്ചിട്ടുള്ളത് പോലെ വേറെ ആരും വിസ്മയിപ്പിച്ചിട്ടില്ല. 30 വര്ഷം മുന്പുള്ള കാര്യമാണിത്. അതിന് ശേഷം നിരവധി ടോപ് റേറ്റഡ് ആക്ടേഴ്സിനൊപ്പം വര്ക്ക് ചെയ്തു. ഇവരൊക്കെ നല്ല അ
അന്ന് മോഹന്ലാലിനെ വെച്ച് സിനിമ ചെയ്യാന് പറ്റിയിരുന്നെങ്കില് ഞാന് തീര്ച്ചയായും ചെയ്തേനെ. പക്ഷെ ഇന്ന് മോഹന്ലാലിനെ വച്ച് സിനിമ ചെയ്യണമെങ്കില്…. മോഹന്ലാല് അല്ല അതിന്റെ അകത്തെ പ്രധാന എലമെന്റ്. ഇപ്പഴത്തെ പ്രധാന എലമെന്റ് മോഹന്ലാല് എങ്ങനെ വേണമെന്ന് തീരുമാനിക്കുന്ന കുറേ കൂട്ടം ആളുകളാണ്.. ഫാന്സും അല്ലാത്തവരുമൊക്കെയുണ്ട്. അവരെ തൃപ്തിപ്പെടുത്തുന്ന രീതിയില് ഒരു സിനിമ എടുത്താല്…അതില് അഭിപ്രായ ഐക്യമുണ്ടെങ്കില്…അവര്ക്ക് ഇഷ്ടമാകുന്നൊരു സിനിമ ഉണ്ടാകണം. അങ്ങനത്തെ ഒരു സിനിമ ഇപ്പോള് എന്റെ മനസ്സില് ഇല്ല. ലാലിനെ വെച്ച് സിനിമ ചെയ്യാന് എനിക്ക് ഏറ്റവും ഇഷ്ടമുള്ളൊരു കാര്യമാണ്. പക്ഷെ, അത് സാധിക്കുമോ എന്ന് സംശയമുണ്ട്.