തമിഴ് സിനിമയിലെ മുന്നിര നടന്മാരിലൊരാളാണ് ധനുഷ്. നടന് മാത്രമല്ല, ഗായകന്, ഗാനരചയിതാവ്, നിര്മ്മാതാവ്, സംവിധായകന് എന്നിങ്ങനെ വിവിധ മേഖലകളില് പ്രവര്ത്തിച്ച് തന്റെ കഴിവ് തെളിയിക്കാന് ധനുഷിന് കഴിഞ്ഞിട്ടുണ്ട്. ഇപ്പോഴിതാ നടന് ഒരു ചാനലിന് നല്കിയ അഭിമുഖമാണ് വൈറലാകുന്നത്. താന് ആത്മാര്ഥമായി വിശ്വസിച്ചിരുന്ന പലരും തന്നെ ചതിച്ചുവെന്നാണ് നടന് പറയുന്നത്.
‘എന്റെ വിശ്വസ്ത സ്നേഹിതരായി 4 പേര് കൂടെ ഉണ്ടായിരുന്നു. അവരില് 3 പേര് എന്നെ ചതിച്ചു. എന്നെ ചതിക്കാത്ത ഒരേയൊരു വ്യക്തി വെട്രിമാരന് മാത്രമാണ്. ചിലര് വലിയ വിജയം നേടിയതിന് ശേഷം എന്നെ വിട്ടുപോയി.
എന്നാല്, വമ്പന് ഹിറ്റുകള് കണ്ടിട്ടും പിന്നെയും കൂടെ നില്ക്കുന്നത് സംവിധായകന് വെട്രിമാരന് മാത്രമാണ്’, എന്നും ധനുഷ് അഭിമുഖത്തില് പറഞ്ഞു. അതേ സമയം ആരെയാണ് ഉദ്ദേശിച്ചതെന്ന കാര്യം വ്യക്തമായി പറഞ്ഞില്ലെങ്കിലും ഇത് അദ്ദേഹത്തിന്റെ സിനിമയിലെ ഏറ്റവും അടുത്ത സുഹൃത്തുകളെക്കുറിച്ചുള്ളതാണെന്ന് വ്യക്തമാണ്.
ഹിറ്റ് ചിത്രങ്ങളിലെ നായകനായി കരിയറില് തിളങ്ങി നില്ക്കുന്നതിനിടെയാണ് നടന് വിവാഹമോചിതനാവുകയാണെന്ന് പ്രഖ്യാപിച്ചത്. പെട്ടെന്ന് ഇത്തരമൊരു തീരുമാനത്തിലേക്ക് താരങ്ങളെത്തിയതിന് പിന്നിലെ കാരണമെന്താണെന്ന് വ്യക്തമല്ല.
നിലവില് മക്കളുടെ കൂടെ പിതാവ് രജനികാന്തിന്റെ വീട്ടിലാണ് ഐശ്വര്യ താമസിക്കുന്നത്.