ട്വല്ത്ത്മാനില് മോഹന്ലാലിനൊപ്പം അഭിനയിച്ചതിന്റെ അനുഭവം പങ്കുവെച്ച് നടന് അനുമോഹന്. കൗമുദി മൂവീസിന് നല്കിയ അഭിമുഖത്തിലാണ് നടന് അനുഭവം പങ്കുവെച്ചത്.
ഒരുദിവസം ലാലേട്ടന്റെയും നന്ദുചേട്ടന്റെയും സീന് ഷൂട്ട് ചെയ്യുകയാണ്. ഞങ്ങള്ക്ക് അന്ന് രാത്രി ഒരു പണിയും ഇല്ല. അനുശ്രീ,ലിയോണ, അനുസിതാര, അതിഥി ഇവര്ക്കെല്ലാം പ്രേതങ്ങളെ പേടിയാണ്.
എല്ലാവരും കൂടി എന്റെ റൂമില് ഇരുന്ന് ഓജോ ബോര്ഡ് കളിക്കാന് തീരുമാനിച്ചു. ലൈറ്റ് ഓഫ് ചെയ്തു, മെഴുകുതിരിയൊക്കെ കത്തിച്ച് റെഡിയായി. ഞാനും ചന്തുവും ഇടയ്ക്കിടെ പേടിപ്പിക്കാന് ഓരോ ശബ്ദങ്ങളും ഇട്ടുകൊടുക്കുന്നുണ്ട്. ഇവിടെ ഓജോ ബോര്ഡ് കളിക്കുന്ന കാര്യം ആരോ പറഞ്ഞ് ലൊക്കേഷനില് എല്ലാവരും അറിഞ്ഞു.
കുറച്ചു കഴിഞ്ഞപ്പോള് ജനലില് ആരോ മാന്തുന്ന ശബ്ദമൊക്കെ കേള്ക്കുന്നു. ഞങ്ങളെ കൂടാതെ മൂന്നാമത്തെ ആളാരാണെന്ന് ഞാനും ചന്തുവും പരസ്പരം നോക്കുകയാണ്, സംഭവം ബ്രേക്ക് പറയുമ്പോള് ലാലേട്ടനും ജിത്തുവേട്ടനും ഓടി വന്ന് നമ്മുടെ വിന്ഡോയില് മാന്തുന്നതാണ്. ആദ്യമൊക്കെ എല്ലാവരും വിചാരിച്ചിരുന്നത് അത് യഥാര്ത്ഥ പ്രേതമാണെന്നാണ് . പിന്നീടാണ് ആ രഹസ്യം പൊട്ടിച്ചത്. അനു മോഹന് പറഞ്ഞു.