ഗോവയില് നിന്നും മദ്യം വാങ്ങാനെത്തിയ വീഡിയോക്ക് പിന്നിലെ സത്യാവസ്ഥ തുറന്നു പറഞ്ഞ് അല്ലു അര്ജുന്. 2017ലെ വീഡിയോയെ കുറിച്ചാണ് അല്ലു അര്ജുന് ഇപ്പോള് സംസാരിച്ചിരിക്കുന്നത്. നടന് നന്ദമൂരി ബാലകൃഷ്ണയുടെ അണ്സ്റ്റോപ്പബിള് വിത്ത് എന്ബികെ എന്ന ഷോയിലാണ് നടന് സംസാരിച്ചത്.
ഗോവയിലെ ഒരു വൈന് ഷോപ്പില് നിന്നും മദ്യം വാങ്ങുന്ന അല്ലു അര്ജുന്റെ വീഡിയോ 2017ല് ആയിരുന്നു പുറത്തുവന്നത്. ഇതിന് പിന്നാലെ പലരും നടനെ വിമര്ശിച്ചും അനുകൂലിച്ചും രംഗത്തെത്തിയിരുന്നു. ഈ വീഡിയോയെ കുറിച്ചാണ് ബാലയ്യ നടനോട് ചോദിക്കുകയായിരുന്നു.
ആ വിഡിയോയില് ഉള്ളത് താന് തന്നെയാണെന്നും മദ്യം വാങ്ങുകയായിരുന്നുവെന്നും സമ്മതിച്ചിരിക്കുകയാണ് അല്ലു അര്ജുന്. മദ്യം വാങ്ങിയത് തന്റെയൊരു സുഹൃത്തിന് വേണ്ടിയായിരുന്നുവെന്നും അല്ലു വ്യക്തമാക്കി. താന് പറഞ്ഞ സുഹൃത്ത് ചാറ്റ് ഷോയില് വരുമെന്നും അല്ലു അര്ജുന് കൂട്ടിച്ചേര്ത്തു.
എന്നാല് അല്ലുവിന്റെ ആ സുഹൃത്ത് ആരാണെന്നറിയാനുള്ള ആകാംക്ഷയിലാണിപ്പോള് ആരാധകര്. സൂപ്പര് താരങ്ങള് ആരെങ്കിലും ആയിരിക്കുമോ ആ സുഹൃത്ത് എന്നാണ് സോഷ്യല് മീഡിയ ചോദിക്കുന്നത്. അതേസമയം, ‘പുഷ്പ 2’ ആണ് അല്ലു അര്ജുന്റെതായി റിലീസിന് ഒരുങ്ങുന്നത്.
സുകുമാറിന്റെ സംവിധാനത്തില് ഒരുങ്ങിയ ‘പുഷ്പ: ദ റൈസ്’ എന്ന ആദ്യ ഭാഗം സൂപ്പര് ഹിറ്റ് ആയിരുന്നു. ചിത്രത്തിലെ പ്രകടനത്തിന് താരത്തിന് ദേശീയ അവാര്ഡ് ലഭിച്ചിരുന്നു. അതിനാല് തന്നെ ‘പുഷ്പ: ദ റൂള്’ എന്ന രണ്ടാം ഭാഗത്തിനായി ആകാംഷയോടെയാണ് കാത്തിരിക്കുന്നത്.