കൊറോണ പ്രതിസന്ധിയെ തുടര്ന്ന് രാജ്യം 21 ദിവസത്തേക്ക് ലോക്ഡൗണ് ചെയ്തിരിക്കുകയാണ്. തങ്ങളുടെ ഓരോ ദിവസത്തെ വിശേഷങ്ങളും സിനിമാതാരങ്ങളെല്ലാം സോഷ്യല് മീഡിയയിലൂടെ പങ്കുവെയ്ക്കാറുണ്ട്. എന്നാല് വീട്ടിലെ ജോലികള് ചെയ്യുന്നതിന് സോഷ്യല് മീഡിയയില് ഇത്രയും കോലാഹലം ഉണ്ടാക്കുന്നതെന്തിനാണ് എന്നാണ് ട്വിറ്ററില് നിന്നുള്ള വിമര്ശനം.
ട്വിറ്ററില് നിന്നുള്ള വിമര്ശകന് മറുപടി കൊടുത്തിരിക്കുകയാണ് ബോളിവുഡ് താരം സ്വര ഭാസ്ക്കര്. “”പ്രിയപ്പെട്ട സെലിബ്രിറ്റികളേ, വീട്ടുജോലികള് ചെയ്യുന്നത് അടിസ്ഥാനപരമാണ്…സോഷ്യല് മീഡിയയില് ഇത്രയും കോലാഹലമുണ്ടക്കല്ലേ..സ്വര തന്റെ നായക്കൊപ്പമുള്ള വാര്ത്ത..ദുഖം”” എന്നാണ് ട്വിറ്ററിലുള്ള വിമര്ശനം.
പിന്നാലെ വായടപ്പിക്കുന്ന മറുപടിയുമായി സ്വരയും രംഗത്തെത്തി. “”ഇത് വിനോദ പേജുകളിലാണ്. സോഷ്യല് മീഡിയ ഒരുക്കിയിരിക്കുന്നത് ജീവിതത്തിലെ നിമിഷങ്ങള് പങ്കുവെയ്ക്കാനാണ്. ലോക്ഡൗണ് ചെയ്തതോടെ സെലിബ്രിറ്റികളും ബോറടിച്ചിരിക്കുകയാണ്. ക്ഷമിച്ചേക്കണേ..”” എന്നാണ് സ്വരയുടെ മറുപടി.