നടി സുസ്മിത സെന്നും മുന് കാമുകന് റോഹ്മാന് ഷ്വാളും വീണ്ടും ഒന്നിച്ചു. 2021ല് ഇരുവരും വേര്പിരിഞ്ഞിരുന്നു. ഇപ്പോഴിതാ, ഇരുവരും ഒരു ദീപാവലി പാര്ട്ടിയില് ഒന്നിച്ച് എത്തിയിരിക്കുകയാണ് ഇതോടെയാണ് ഇരുവരും ഒന്നിച്ചതായുള്ള അഭ്യൂഹം ശക്തമായത്. അടുത്തിടെ മുംബൈയില് വച്ച് ഇരുവരെയും ഒരുമിച്ച് കണ്ടതോടെയാണ് അഭ്യൂഹം ഉയര്ന്നത്.
ദീപാവലി പാര്ട്ടിയില് നിന്നുള്ള ഒരു പാപ്പരാസി വീഡിയോയില് സുസ്മിതയും റോഹ്മാനും സന്തോഷത്തോടെ ക്യാമറകള്ക്ക് മുന്നില് പോസ് ചെയ്യുന്നത് കാണാം. റോഹ്മാന് സുസ്മിതയുടെ കൈകളില് പിടിച്ച് സാരിയില് നടക്കാന് സഹായിക്കുന്നതാണ് വീഡിയോയിലുള്ളത്.
അതേസമയം, മൂന്ന് വര്ഷത്തെ ബന്ധത്തിന് ശേഷമായിരുന്നു താനും റോഹ്മാന് ഷാളും വേര്പിരിഞ്ഞതായി 2021 ഡിസംബറില് സുസ്മിത അറിയിച്ചത്. 2018ല് ഇന്സ്റ്റാഗ്രാം സന്ദേശത്തിലുടെയാണ് റോഹ്മാന് സുസ്മിതയുമായി ബന്ധത്തിലാകുന്നത്.
വേര്പിരിയല് പ്രഖ്യാപിച്ച്, സുസ്മിത തന്റെയും റോഹ്മാന്റെയും ഒരു ചിത്രം സോഷ്യല് മീഡിയയില് പോസ്റ്റ് ചെയ്തിരുന്നു. ”ഞങ്ങള് സുഹൃത്തുക്കളായി ആരംഭിച്ചു, ഞങ്ങള് സുഹൃത്തുക്കളായി തുടരുന്നു. വളരെക്കാലമായി തുടരുന്ന ബന്ധം അവസാനിച്ചു…”
”സ്നേഹം അവശേഷിക്കുന്നു!” എന്നായിരുന്നു അന്ന് സുസ്മിത കുറിച്ചത്. 47കാരിയായ സുസ്മിതയും 32കാരനായ റോഹ്മാനും തമ്മിലുള്ള 15 വര്ഷത്തെ വയ് വ്യത്യാസം ഒരു കാലത്ത് ഏറെ ട്രോള് ചെയ്യപ്പെട്ടിരുന്നു. എന്നാല് അതിനെ വകവയ്ക്കാതെ ഇവര് ബന്ധം തുടര്ന്നിരുന്നു.