ബോളിവുഡിലെ ഹിറ്റ് സിനിമകളില്‍ ഒന്നാണ് ‘ഡോണ്‍’. 2011ല്‍ പുറത്തിറങ്ങിയ ചിത്രത്തിന്റെ രണ്ടാം ഭാഗവും പ്രേക്ഷകര്‍ ഏറ്റെടുത്തിരുന്നു. ചിത്രത്തിന് മൂന്നാം ഭാഗം വരുന്നുവെന്ന വാര്‍ത്ത കഴിഞ്ഞ വര്‍ഷം പുറത്തു വന്നിരുന്നു. ഡോണ്‍ 2 പുറത്തിറങ്ങി, നീണ്ട 11 വര്‍ഷത്തിന് ശേഷമുള്ള ഈ വാര്‍ത്ത ആരാധകര്‍ ഏറ്റെടുത്തിരുന്നു.
നടനും സംവിധായകനുമായ ഫര്‍ഹാന്‍ അക്തര്‍ ഇപ്പോള്‍ ചിത്രത്തിന്റെ തിരക്കഥ തയ്യാറാക്കി കൊണ്ടിരിക്കുകയാണ് എന്നാണ് നിര്‍മ്മാതാവ് റിതേഷ് സിദ്ധ്വാനി വ്യക്തമാക്കിയത്. എന്നാല്‍ ഷാരൂഖ് ഖാന്‍ ഡോണ്‍ 3യില്‍ ഉണ്ടാവില്ല എന്ന വാര്‍ത്തയാണ് ഇപ്പോള്‍ പുറത്തു വരുന്നത്.
ഷാരൂഖിന് പകരം രണ്‍വീര്‍ സിംഗ് ആകും ഡോണ്‍ 3യില്‍ നായകനാവുക. താന്‍ ഇപ്പോള്‍ ചെയ്യാന്‍ ആഗ്രഹിക്കുന്ന ചിത്രമല്ല അത് എന്ന് അറിയിച്ചാണ് ഷാരൂഖ് ഡോണ്‍ 3യില്‍ നിന്നും പിന്‍മാറിയത് എന്നാണ് റിപ്പോര്‍ട്ടുകള്‍. തുടര്‍ന്നാണ് ചിത്രം രണ്‍വീറിലേക്ക് എത്തിയത്.
ഡോണ്‍ ഫ്രഞ്ചേസി ഉടമകളായ എക്‌സല്‍ എന്റര്‍ടെയ്ന്‍മെന്റിന്റെ വിജയ ചിത്രങ്ങളായ ‘ദില്‍ ധടക്‌നെ ദോ’, ‘ഗല്ലി ബോയ്’ എന്നീ ചിത്രങ്ങളിലെ നായകനായിരുന്നു രണ്‍വീര്‍. അധികം വൈകാതെ എക്‌സല്‍ എന്റര്ടൈന്മെന്റ് രണ്‍വീറിനെ നായകനാക്കി ഡോണ്‍ 3 ഔദ്യോഗികമായി പ്രഖ്യാപിക്കും.