ദാദാ സാഹേബ് പുരസ്കാരത്തിന് അര്ഹനായ രജനികാന്തിന് ആശംസാപ്രവാഹമാണ്. തമിഴകത്തിന്റെ തലൈവര്ക്ക് ആശംസകളുമായി എത്തിയ ചി താരങ്ങളുടെ പോസ്റ്റ് സോഷ്യല് മീഡിയയില് ചര്ച്ചയാവുകയും ചെയ്തു. ബോളിവുഡ് താരം ഹൃത്വിക് റോഷന് പങ്കുവച്ച പോസ്റ്റ് ആണ് ഇപ്പോള് ശ്രദ്ധ നേടുന്നത്.
“”ഏറ്റവും പ്രിയപ്പെട്ട രജിനികാന്ത് സാര്… നിങ്ങളുടെ വ്യക്തിത്വവും പ്രഭാവലയും പ്രശസ്തമായ ദാദാസാഹിബ് ഫാല്ക്കെ പുരസ്കാരം അര്ഹിക്കുന്നതാണ്. നിങ്ങളെന്ന ഇതിഹാസത്തെ ആഘോഷിക്കാന് മറ്റൊരു കാരണം ലഭിച്ചതില് ഞാന് വളരെയധികം സന്തോഷിക്കുന്നു. ഒരുപാട് സ്നേഹവും ആദരവും”” എന്നാണ് ഒരു പഴയകാല ചിത്രം പങ്കുവച്ച് ഹൃത്വിക് കുറിച്ചത്.
രജനിയെ കെട്ടിപ്പിടിച്ച് നില്ക്കുന്ന ചിത്രമാണ് സോഷ്യല് മീഡിയയില് ചര്ച്ചയായത്. ബാലതാരമായി സിനിമയില് എത്തിയ ഹൃത്വിക് രജനിക്കൊപ്പവും അഭിനയിച്ചിരുന്നു. അന്ന് എടുത്ത ചിത്രമാണിത്. രജനി വേഷമിട്ട ഹിന്ദി ചിത്രം ഭഗ്വാന് ദാദയിലാണ് ഹൃത്വിക് അഭിനയിച്ചത്. 1986ല് പുറത്തിറങ്ങിയ ചിത്രത്തില് ഭഗ്വാന് ദാദ എന്ന കഥാപാത്രമായി എത്തിയപ്പോള് ഗോവിന്ദ എന്ന കഥാപാത്രമായാണ് ഹൃ്ത്വിക് വേഷമിട്ടത്.
ദാദാ സഹേബ് പുരസ്ക്കാര നേട്ടത്തില് പ്രധാനമന്ത്രി നരേന്ദ്ര മോദിയുടേത് അടക്കമുള്ളവരുടെ പേര് കുറിച്ചാണ് രജനികാന്ത് നന്ദി പറഞ്ഞത്. തന്റെ യാത്രയില് ഒപ്പമുണ്ടായിരുന്ന എല്ലാവരോടും നന്ദി അറിയിക്കുന്നതായി ട്വിറ്ററിലൂടെ പങ്കുവെച്ച പ്രസ്താവനയില് രജനികാന്ത് പറഞ്ഞു.