മോഹന്ലാലിനെ നേരിട്ട് കണ്ടപ്പോഴുള്ള അനുഭവം വെളിപ്പെടുത്തി ബോളിവുഡ് സംവിധായകനും നിര്മ്മാതാവുമായ കരണ് ജോഹര്. ഇന്ത്യന് സിനിമയിലെ ഏറ്റവും മികച്ച നടന്മാരില് ഒരാളാണ് മോഹന്ലാലെന്നും തന്നെ ഏറ്റവും കൂടുതല് ആകര്ഷിച്ചത് അദ്ദേഹത്തിന്റെ വിനയമാണെന്നും കരണ് ജോഹര് സോഷ്യല് മീഡിയയില് കുറിച്ചു.
”കുറച്ച് ദിവസങ്ങള്ക്ക് മുമ്പ് ഞാന് മോഹന്ലാല് സാറിനെ ആദ്യമായി കണ്ടുമുട്ടി. ജീവിതത്തിലെ ഏറ്റവും വലിയ ഫാന് മൊമന്റുകളില് ഒന്നായിരുന്നു അത്. ഫാമിലി വെഡ്ഡിംഗിന് വേണ്ടി ഞങ്ങളൊരു വിമാനത്തിലായിരുന്നു യാത്ര. സത്യത്തില് ആ നിമിഷം മുതല് ഞാന് അമ്പരന്നിരിക്കുകയായിരുന്നു.”
”ഇന്ത്യന് സിനിമയിലെ ഏറ്റവും മികച്ച നടന്മാരില് ഒരാളാണ് അദ്ദേഹം. എന്നാല് എന്നെ ഏറ്റവും കൂടുതല് ആകര്ഷിച്ചത് അദ്ദേഹത്തിന്റെ അടങ്ങാത്ത വിനയമാണ്. നല്ല മനസുള്ള ഒരു ഇതിഹാസം. സാറിനെ കണ്ടതിലും പരിചയപ്പെടാന് കഴിഞ്ഞതിലും എനിക്ക് അഭിമാനമുണ്ട്” എന്നാണ് മോഹന്ലാലിനൊപ്പമുള്ള ചിത്രം പങ്കുവച്ച് കരണ് ജോഹര് പറയുന്നത്.
അതേസമയം, ലിജോ ജോസ് പെല്ലിശ്ശേരി ചിത്രം മലൈക്കോട്ടൈ വാലിബന്റെ ചിത്രീകരണത്തിലാണ് മോഹന്ലാല് ഇപ്പോള്. പൂര്ണ്ണമായും രാജസ്ഥാനില് ചിത്രീകരിക്കുന്ന സിനിമയുടെ ലൊക്കേഷന് ജയ്സാല്മീര് ആണ്. മറാഠി നടി സൊണാലി കുല്ക്കര്ണിയും ഹരീഷ് പേരടിയും ഹരിപ്രശാന്ത് വര്മ്മയും ചിത്രത്തില് കഥാപാത്രങ്ങളെ അവതരിപ്പിക്കുന്നുണ്ട്.