എല്ലാ വ്യക്തികള്ക്കും തങ്ങളുടെ വിവാഹം എന്നും പ്രത്യേകത നിറഞ്ഞതാണ്. അതുപ്പോലെ തന്നെ ഓരോ ഓരോ ദമ്പതികളും ഇത് അവിസ്മരണീയമാക്കാന് ആഗ്രഹിക്കുന്നു. അതുപ്പോലെ തന്നെ വിവാഹ സല്ക്കാരങ്ങള്ക്ക് കേക്ക് മുറിച്ചുള്ള ആഘോഷങ്ങളും പതിവാണ്. വിവാഹ കേക്കുകള് എല്ലാ രൂപത്തിലും വലുപ്പത്തിലും വരാറുണ്ട്. പക്ഷേ നിലവില് മലേഷ്യയിലെ ഒരു കേക്ക് ഇപ്പോള് ലോകത്തിന്റെ ശ്രദ്ധയാകര്ഷിച്ചിരിക്കുകയാണ്.
എന്തുകൊണ്ടാണിത് എന്നറിയാമോ? ആഡംബര വിളക്കിന്റെ രൂപത്തിലാണ് ഈ കേക്ക് നിര്മ്മിച്ചിരിക്കുന്നത് എന്നത് തന്നെ കാരണം. എട്ട് നിലകളിലുള്ള കേക്ക് മറ്റ് ആഡംബര വിളക്കുകളുടെ ഒപ്പമാണ് കെട്ടിതൂക്കി നിര്ത്തിയിരുന്നത്. മലേഷ്യന് സിനിമാ താരങ്ങളായ അയ്മാന് ഹക്കീമും സാഹിറ മാക് വില്സനുമാണ് ഈ അടിപൊളി ആശയത്തിന് പിന്നില്.
ലിലി ആന്ഡ് ലോല എന്ന കേക്ക് നിര്മ്മാതാക്കളാണ് അയ്മാന്റെയും സാഹിറയുടേയും വ്യത്യസ്തമായ ആശയം സാക്ഷാല്കരിച്ചത്. എന്നാല് മൂന്ന് വര്ഷമെടുത്താണ് കേക്കിന്റെ നിര്മാണം പൂര്ത്തീകരിച്ചത്. ആഡംബര വിളക്കിന്റെ രൂപത്തിലുള്ള കേക്കിന്റെ നിര്മ്മാണം എളുപ്പമായിരുന്നെങ്കിലും. അത് ഉത്തരത്തില് നിന്ന് തൂക്കി നിര്ത്തുന്ന നിലയില് സജീകരിക്കാനാണ് കൂടുതല് സമയമെടുത്തത്.
ഒരു മാജിക് പോലെയാണ് കേക്ക് മുകളില് നിന്ന് ഇറങ്ങി വന്നതെന്ന് ദമ്പതികളു പറയുന്നു.വിവാഹം നടക്കുമ്പോഴാണ് കേക്കിന്റെ പണി പൂര്ത്തിയായതെന്ന് നിര്മാതാക്കളായ ലിലി ആന്ഡ് ലോല പറഞ്ഞു. വിളക്കല്ലെന്ന തോന്നാത്ത് രീതിയിലായിരുന്നു കേക്ക് നിര്മ്മിച്ചത്.നിരവധി പരീക്ഷണങ്ങള്ക്ക് ശേഷമാണ് ഈ കേക്കിലേക്ക് എത്തിയതെന്നും ലിലി പറയുന്നു. എന്തെങ്കിലും അബദ്ധം സംഭവിച്ചാല് അത് മാരകമായ നാണക്കേടിലേക്ക് പോവുമെന്നത് ഉറപ്പുള്ളതിനാല് അത്ര സൂക്ഷ്മമായാണ് കേക്ക് നിര്മ്മിച്ചത്.