സോഷ്യല്‍ മീഡിയയില്‍ കുട്ടികള്‍ പോലും നഗ്ന സെല്‍ഫികള്‍ ആവശ്യപ്പെടുന്നുവെന്നും അതില്‍ 12 വയസ്സുള്ള കുട്ടികള്‍ പോലും ഉണ്ട് എന്നത് തന്നെ ആശ്ചര്യപ്പെടുത്തുന്നുവെന്നും ഫ്രഞ്ച് പോണ്‍ നായിക നികിത ബെല്ലൂച്ചി. കുട്ടികള്‍ക്ക് ലൈംഗിക വിദ്യാഭ്യാസം നല്‍കേണ്ടതിന്റെ ആവശ്യകത ചൂണ്ടിക്കാട്ടി താന്‍ മടുത്തുവെന്ന് നികിത തന്റെ ട്വിറ്റര്‍ പോസ്റ്റില്‍ വ്യക്തമാക്കി. കുട്ടികള്‍ അയച്ച മെസേജുകളും നികിത ട്വിറ്ററില്‍ പോസ്റ്റ് ചെയ്തിട്ടുണ്ട്. തങ്ങളുടെ കുട്ടികളെ കുറിച്ച് കരുതലുള്ളവര്‍ക്ക് വേണ്ടിയാണിതെന്നും നികിത പറയുന്നു.
12 വയസ്സുള്ള കുട്ടികളാണ് തങ്ങളുമായി ലൈംഗിക ബന്ധത്തില്‍ ഏര്‍പ്പെടു, നഗ്ന സെല്‍ഫികള്‍ അയച്ചു തരു തുടങ്ങിയ സന്ദേശങ്ങള്‍ ഈ പോണ്‍ നായികയ്ക്ക് അയച്ചുകൊണ്ടിരിക്കുന്നത്. ഇത്തരത്തില്‍ ആയിര കണക്കിന് മെസേജുകളാണ് തനിക്ക് വന്നുകൊണ്ടിരിക്കുന്നതെന്നും അവര്‍ പറയുന്നു.
ന്യൂഡ് സെല്‍ഫി ചോദിച്ച ഒരാളോട് വേണമെങ്കില്‍ ഇതിന്റെ സ്‌ക്രീന്‍ഷോട്ട് നിന്റെ മാതാപിതാക്കള്‍ക്ക് അയച്ചുകൊടുക്കാമെന്ന് നികിത മറുപടി നല്‍കുന്നുണ്ട്. എനിക്ക് ഇനി മേലില്‍ മെസേജ് അയക്കരുതെന്നും വീട്ടില്‍ പോയി വെല്ലോം പഠിക്കാന്‍ നോക്കുവെന്നും അവര്‍ ആ കുട്ടിയോട് പറഞ്ഞിട്ടുണ്ട്. ആണ്‍കുട്ടികളുടെ സോഷ്യല്‍ മീഡിയ ഉപയോഗം പരിശോധിക്കാത്ത മാതാപിതാക്കളെയും നികിത വിമര്‍ശിക്കുന്നുണ്ട്.