76 വയസുകാരൻ ത്രിപാത് സിംഗിന്റെ പ്രചോദനകരമായ ഫിറ്റ്നസ് വീഡിയോയാണ് ഇപ്പോൾ സോഷ്യൽ മീഡിയയിൽ ട്രെൻഡിംഗായി മാറുന്നത്.
കർശനമായ ഫിറ്റ്നസ് ദിനചര്യയാണ് ചണ്ഡീഗഡ് സ്വദേശിയായ ഇദ്ദേഹത്തെ ഇൻസ്റ്റാഗ്രാം സെലിബ്രിറ്റിയാക്കി മാറ്റിയിരിക്കുന്നത്. ഇൻസ്റ്റഗ്രാമിൽ 71കെ ഫോളോവേഴ്സാണ് സിംഗിനുള്ളത്.
ഈ പേജിൽ അദ്ദേഹം തന്റെ വ്യായാമ വീഡിയോകളാണ് കൂടുതലും പോസ്റ്റ് ചെയ്യുന്നത്. ഭാര്യയുടെ വിയോഗമാണ് തന്നെ ഫിറ്റ്നസ് പാതയിലേക്ക് നയിച്ചതെന്നാണ് സിംഗ് പറയുന്നത്. ഹ്യൂമൻസ് ഓഫ് ബോംബെയുടെ ഇൻസ്റ്റാഗ്രാം പേജിൽ പങ്കിട്ട വീഡിയോയിൽ, അന്തരിച്ച ഭാര്യയുടെ ചിത്രത്തിനരികിൽ സിംഗ് ഇരിക്കുന്നത് കാണാം. 1999ലാണ് ഭാര്യ മരിച്ചത്. ഇത് അദ്ദേഹത്തിന് വലിയൊരു ആഘാതമായിരുന്നു. വീട്ടിൽ തന്നെ ചടഞ്ഞുകൂടിയിരുന്നു. എന്നാൽ തന്നെ ഈ അവസ്ഥയിൽ കണ്ടാൽ ഭാര്യ ഏറെ വിഷമിക്കുമെന്ന തോന്നൽ മൂലം കഠിനാധ്വാനത്തിലൂടെ ബിസിനസ് തിരികെ പിടിക്കുകയും ഫിറ്റ്സനിനും ആരോഗ്യത്തിനും കൂടുതൽ പ്രാധാന്യം നൽകുകയും ചെയ്തു.