മോശം പ്രകടനത്തെ തുടര്ന്ന് വിമര്ശനമേല്ക്കുന്ന സൂപ്പര് ക്ലബ് റയല് മാഡ്രിഡില് വന് അഴിച്ചുപണിക്ക് ഒരുങ്ങി പരിശീലകന് സിനദീന് സിദാന്. ഇതിന്റെ ഭാഗമായി ഗാരെത് ബെയ്ല്, മാര്ക്കോസ് ലോറന്റെ, ഡാനി സെബല്ലോസ് എന്നിവരോട് സ്വയം പിരിഞ്ഞ് പോകാനാണ് സിദാന് ആവശ്യപ്പെട്ടിരിക്കുന്നത്.
സ്പാനിഷ് മാധ്യമമായ മാര്സയാണ് ഇക്കാര്യം ആവശ്യപ്പെട്ടിരിക്കുന്നത്. കൂടാതെ മാഴ്സെലോയുമായും സംസാരിക്കാന് സിദാന് തീരുമാനിച്ചിട്ടുണ്ട്. താത്പര്യമുണ്ടെങ്കില് മാത്രം മാഴ്സെലോയ്ക്ക് റയലില് തുടരാമെന്നും സിദാന് കണക്ക് കൂട്ടുന്നു.
അടുത്ത സീസണില് വമ്പന് താരനിരയെ റയലിലേക്ക് എത്തിക്കാനാണ് സിദാന് ആലോചിക്കുന്നത്. മാഞ്ചസ്റ്റര് യുണൈറ്റഡിന്റെ പോള് പോഗ്ബ, ചെല്സിയുടെ ഏദെന് ഹസാര്ഡ്, ടോട്ടന്ഹാമിന്റെ ക്രിസ്ത്യന് എറിക്സ് എന്നിവരെയാണ് സിദാന് നോട്ടമിട്ടിരിക്കുന്നത്.
ക്രിസ്റ്റ്യാനോ റൊണാള്ഡോ റയല് വിട്ടതോടെ ഈ സീസണില് മോശം പ്രകടനമാണ് റയല് കാഴ്ച്ചവെച്ചത്. ലാലിഗയിലും ചാമ്പ്യന്സ് ലീഗിലുമെല്ലാം മികച്ച പ്രകടനം കാഴ്ച്ചവെയ്ക്കാന് റയലിന് കഴിഞ്ഞിരുന്നില്ല.