യൂറോ കപ്പ് ഫുട്‌ബോളില്‍ സ്‌കോട്‌ലന്‍ഡിനെ 3-1നു തോല്‍പിച്ച് ക്രൊയേഷ്യ പ്രീക്വാര്‍ട്ടറില്‍. ഒന്നിനെതിരേ മൂന്നുഗോളുകള്‍ക്കാണ് ടീമിന്റെ വിജയം. മത്സരം തുടങ്ങുന്നതിന് മുന്‍പ് വരെ മൂന്നാം സ്ഥാനത്തായിരുന്ന ക്രൊയേഷ്യ മൂന്നു ഗോളുകള്‍ നേടിയതിന്റെ ബലത്തിലാണ് പ്രീ ക്വാര്‍ട്ടര്‍ ഉറപ്പിച്ചത്.
നിക്കോള വ്‌ലാസിച്ച് (17), ലൂക്ക മോഡ്രിച്ച് (62), ഇവാന്‍ പെരിസിച്ച് (77) എന്നിവരാണു ക്രൊയേഷ്യയ്ക്കായി ഗോള്‍ നേടിയത്. കല്ലം മക്ഗ്രെഗര്‍ (42) സ്‌കോട്ലന്‍ഡിന്റെ ആശ്വാസഗോള്‍ നേടി.
ഇന്നു പുലര്‍ച്ചെ നടന്ന രണ്ടാം മത്സരത്തില്‍ ഇംഗ്ലണ്ട് ചെക്ക് റിപ്പബ്ലിക്കിനെ എതിരില്ലാത്ത ഒരു ഗോളിന് തോല്‍പ്പിച്ചു. 12-ാം മിനിറ്റില്‍ റഹിം സ്റ്റെര്‍ലിങ്ങാണ് ഇംഗ്ലണ്ടിന്റെ വിജയഗോള്‍ നേടിയത്.
ഇംഗ്ലണ്ട്- ചെക്ക് പോരാട്ടം സമനിലില്‍ കലാശിച്ചിരുന്നെങ്കില്‍ ഇരുടീമുകളും പ്രീക്വാര്‍ട്ടറിലെത്തുകയും ജയിച്ചാലും ക്രൊയേഷ്യയുടെ നോക്കൗട്ട് റൗണ്ട് ഉറപ്പില്ലാതിരിക്കുകയും ചെയ്യുമായിരുന്നു. എന്നാല്‍ ഇംഗ്ലണ്ടിന്റെ ജയം ക്രൊയേഷ്യക്കു തുണയായി.
