ഫ്രാൻസ്, ബെൽജിയം റൗണ്ട് ഓഫ് 16 പോരാട്ടം ഇന്ന് നടക്കാനിരിക്കെ വിവാദ അന്തരീക്ഷത്തിലാണ് കളിക്കാരുള്ളത്. ഫ്രാൻസിന്റെ സ്റ്റാർ സ്‌ട്രൈക്കർ കിലിയൻ എംബാപ്പെ അദ്ദേഹത്തിന് മുഖത്തിന് പരിക്ക് ഏറ്റതിനാൽ മാസ്ക് ധരിച്ചു കളിക്കും എന്നറിയച്ചതിനെ തുടർന്ന് ബെൽജിയം മിഡ്‌ഫീൽഡർ അമോഡോ ഒനാന എംബാപ്പെയുടെ മുഖത്ത് ചവിട്ടും എന്ന് പറഞ്ഞിരുന്നു. അടുത്തിടെ നടന്ന ഒരു അഭിമുഖത്തിൽ ഇതിനെ കുറിച്ചു എംബാപ്പെയോട് ചോദിക്കുന്ന സന്ദർഭം ഉണ്ടായിരുന്നു. ഒനാനയുടെ പരാമർശം വിവാദമായതിനെ തുടർന്ന് അദ്ദേഹവുമായി കിറ്റുകൾ കൈമാറാൻ സാധിക്കുമോ എന്നായിരുന്നു ചോദ്യം. അതിന് എംബാപ്പെ പറഞ്ഞ മറുപടി: ” ഞാൻ അതിനെക്കുറിച്ച് കേട്ടിട്ടുണ്ട്. നിങ്ങൾക്കറിയാമോ, പലരും എന്നെക്കുറിച്ച് സംസാരിക്കുന്നു – എനിക്ക് അതിൽ പ്രശ്‌നങ്ങളൊന്നുമില്ല. അവന് എൻ്റെ കിറ്റ് വേണമെങ്കിൽ അത് എടുക്കാം”
ഈ ആഴ്ച ബെൽജിയൻ എഫ്എ അവരുടെ സോഷ്യൽ മീഡിയ ചാനലുകളിൽ അപ്‌ലോഡ് ചെയ്ത വീഡിയോയിലാണ് അമോഡോ ഒനാന പറഞ്ഞ സംഭവമുള്ളത്. ഹാസ്യനടൻ പാബ്ലോ ആൻഡ്രസ് 25കാരനെ(എംബാപ്പെ) ആരാണ് നേരിടുകയെന്ന ചോദ്യത്തിനാണ് ഒനാന മറുപടി നൽകിയത്. ആ വീഡിയോക്ക് വലിയ തിരിച്ചടി നേരിട്ടതിന് ശേഷം, വീഡിയോ പെട്ടെന്ന് നീക്കം ചെയ്യുകയും ബെൽജിയൻ എഫ്എ ക്ഷമാപണം നടത്തുകയും ചെയ്തു കൊണ്ട് പ്രസ് ഓഫീസർ സ്റ്റെഫാൻ വാൻ ലൂക്ക് പറഞ്ഞത്: “അത് ആരെയും ആക്രമിക്കുക എന്ന ലക്ഷ്യമായിരുന്നില്ല. ഞങ്ങൾ ഹാസ്യനടൻ പാബ്ലോ ആൻഡ്രസിനൊപ്പം വളരെക്കാലമായി പ്രവർത്തിക്കുന്നു, ഈ വീഡിയോയും അങ്ങനെ തമാശയായിരിക്കണം.”
യൂറോ 2024-ൽ ബെൽജിയത്തെ നേരിടാൻ ഫ്രാൻസ് തയ്യാറെടുക്കുമ്പോൾ , സംഗതി തീർച്ചയായും കാര്യങ്ങൾ കൂടുതൽ സമ്മർദ്ദം വർധിപ്പിച്ചിട്ടുണ്ട്. ഗ്രൂപ്പ് ഘട്ടങ്ങളിൽ ഒരു തവണ മാത്രം ഗോൾ നേടിയതിന് ശേഷം തൻ്റെ ഗോൾ സ്‌കോറിംഗ് ടച്ച് കണ്ടെത്തുമെന്ന് എംബാപ്പെ പ്രതീക്ഷിക്കുന്നു. കാരണം അദ്ദേഹത്തിന്റെ മികച്ച പ്രകടനം പുറത്തെടുക്കാതെ ഫ്രാൻസിന്റെ മുന്നോട്ട് പോക്ക് പരുങ്ങലിലാണ് എന്ന് മനസിലാക്കുന്നു. ബെൽജിയം, അതേസമയം, ഗ്രൂപ്പ് ഘട്ടങ്ങളിൽ തുല്യതയ്ക്ക് താഴെയുള്ള പ്രകടനം നടത്തിയതിന് ശേഷം അടുത്ത ഘട്ടത്തിൽ പ്രചോദനത്തിനായി കെവിൻ ഡി ബ്രൂയ്ൻ , റൊമേലു ലുക്കാക്കു, ജെറമി ഡോകു എന്നിവരെ വെച്ചു മികച്ച വിജയം ലക്ഷ്യം വെച്ചാണ് ഇറങ്ങുന്നത്.
നിലവിൽ ഫ്രാൻസും ബെൽജിയം ഏറ്റുമുട്ടാനിരിക്കുന്ന പശ്ചാത്തലത്തിൽ ഒനാനയുടെ പരാമർശം സൃഷ്ട്ടിച്ച സംഘർഷം മത്സരത്തെ കൂടുതൽ ആവേശത്തിലാക്കും എന്ന് ആരധകരും പ്രതീക്ഷിക്കുന്നുണ്ട്. വേൾഡ് കപ്പ് പോലുള്ള വലിയ മത്സരങ്ങളിൽ മികച്ച പ്രകടനം കാഴ്ചവെക്കാൻ സാധിക്കുന്ന എംബാപ്പെയിലാണ് ഫ്രാൻസ് ടീമിന്റെ മൊത്തം പ്രതീക്ഷയും.