ഇംഗ്ലീഷ് ഫുട്ബോൾ ക്ലബ് ലിവർപൂളിൽ താൻ ചിലവിടുന്ന അവസാന സീസണായി ഇത് മാറിയേക്കാമെന്ന് ഇതിഹാസ താരം മുഹമ്മദ് സലാ. ഇന്നലെ മാഞ്ചസ്റ്റർ യൂണൈറ്റഡിനെതിരെ നടന്ന മത്സരത്തിലെ തകർപ്പൻ പ്രകടനത്തിന് പിന്നാലെയാണ് സൂപ്പർ താരത്തിന്റെ പ്രതികരണം. “ക്ലബിലെ ആരും ഇതുവരെ തന്നോട് കരാർ പുതുക്കുന്നതിനെക്കുറിച്ച് സംസാരിച്ചിട്ടില്ല. ഈ സീസണിൽ എന്തായാലും ലിവർപൂളിൽ ഉണ്ടാകും. ബാക്കി കാര്യങ്ങൾ പിന്നെ തീരുമാനിക്കാം.” താരം പറഞ്ഞു.
കഴിഞ്ഞ നാളുകളിൽ ഒകെ ലിവർപൂളിനെ കൈപിടിച്ചുയർത്തിയ ഇതിഹാസ പരിശീലകൻ ക്ളോപ്പ് ഒഴിഞ്ഞ ഗ്യാപ്പിൽ എത്തിയ സ്ലോട്ടിന് കീഴിലും ടീം മികവ് തുടരുകയാണ്. സീസണിൽ മൂന്ന് മത്സരങ്ങളിലും ജയം സ്വന്തമാക്കാൻ ടീമിന് സാധിക്കുന്നു. എപ്പോഴൊക്കെ മാഞ്ചസ്റ്റർ യുണൈറ്റഡിനെ നേരിട്ടാലും വിശ്വരൂപം പുറത്തെടുക്കുന്ന സലാ ഇന്നലെയും മികവ് തുടർന്നു. മികവിന് താരത്തിന് മാൻ ഓഫ് ദി മാച്ച് ആയി താരം തന്നെ തിരഞ്ഞെടുക്കപ്പെട്ടു.
54 touches
1 goal
3 shots/1 on target (0.50 xG)
2 assists (🥇)
3 big chances created (🥇)
26/34 accurate passes (0.63 xA)
2/4 successful dribbles
5/9 duels won
9.5 Sofascore Rating (🥇)
മത്സരത്തിലേക്ക് വന്നാൽ തകർപ്പൻ വിജയം സ്വന്തമാക്കാൻ വമ്പൻമാരായ ലിവർപൂളിന് സാധിച്ചിരുന്നു. എതിരില്ലാത്ത മൂന്ന് ഗോളുകൾക്കാണ് ചിരവൈരികളായ മാഞ്ചസ്റ്റർ യുണൈറ്റഡിനെ അവർ പരാജയപ്പെടുത്തിയത്. സൂപ്പർ താരം മുഹമ്മദ് സലാ മത്സരത്തിൽ ഗംഭീര പ്രകടനമാണ് നടത്തിയത്.ഒരു ഗോളും രണ്ട് അസിസ്റ്റുകളും അദ്ദേഹം നേടുകയായിരുന്നു. ഇരട്ട ഗോളുകൾ നേടിക്കൊണ്ട് ലൂയിസ് ഡയസും തിളങ്ങി.
അതെ സമയം മാഞ്ചസ്റ്റർ യുണൈറ്റഡിന്റെ കാര്യം പരുങ്ങലിലാണ്. ആദ്യ മത്സരത്തിലെ ജയം ഒഴിച്ചുനിർത്തിയാൽ ടീം വലിയ ബുദ്ധിമുട്ടുകളാണ് നേരിടുന്നത്.