മുൻ റയൽ മാഡ്രിഡ് സൂപ്പർതാരം എയ്ഞ്ചൽ ഡി മരിയയ്ക്ക് വേണ്ടി ബാഴ്‌സലോണ അപ്രതീക്ഷിത നീക്കം നടത്താൻ ഒരുങ്ങുന്നതായി റിപോർട്ടുകൾ പറയുന്നു. കറ്റാലൻ ടീം അവരുടെ ആക്രമണം ശക്തിപ്പെടുത്താൻ ശ്രമിക്കുകയും കൂടുതൽ പരിചയസമ്പന്നരായ കളിക്കാരെ ചേർക്കാൻ താൽപ്പര്യപ്പെടുകയും ചെയ്യുന്നതായിട്ടും റിപോർട്ടുകൾ പറയുന്നു. പോയിന്റ് വെട്ടി കുറച്ചാൽ തന്നെ നിലവിൽ അത്ര നല്ല അവസ്ഥയിൽ അല്ലാത്ത യുവന്റസിൽ കളിക്കുന്ന ഡി മരിയയ്ക്കും ക്ലബ് വിടുന്നതിനോട് താത്പര്യമുണ്ട്.
റിപ്പോർട്ട് പ്രകാരം ഡി മരിയ ബാഴ്‌സലോണയുടെ റഡാറിൽ ഉണ്ട്. ആക്രമണത്തിൽ പരിചയസമ്പന്നനായ ഒരു കളിക്കാരനെ ചേർക്കാൻ സാവി ആഗ്രഹിക്കുന്നു, മുൻ പാരീസ് സെന്റ് ജെർമെയ്ൻ (പിഎസ്ജി) താരമാണ് ലാ ലിഗ ഭീമന്മാരിൽ ചേരാൻ സാധ്യതയുള്ളവരുടെ പട്ടികയിലെ ഏറ്റവും പുതിയ പേര്.
കഴിഞ്ഞ വേനൽക്കാലത്തും താരത്തിന്റെ പേര് ബാഴ്സയുമായി ബന്ധപ്പെട്ടിരുന്നു, എന്നാൽ ക്യാമ്പ് നൗവിലുള്ളവർ ഈ ആശയം നിരസിച്ചതായി മുണ്ടോ ഡിപോർട്ടീവോ അവകാശപ്പെട്ടു. യുവന്റസിൽ ഈ സീസണിൽ മികച്ച പ്രകടനം കാഴ്ചവെച്ച അദ്ദേഹം കഴിഞ്ഞ വർഷം ഖത്തറിൽ നടന്ന ഫിഫ ലോകകപ്പിൽ തന്റെ രാജ്യത്തെ വിജയിപ്പിക്കുകയും ചെയ്തു.
ഡി മരിയ ഈ സീസണിൽ യുവന്റസിനായി സീരി എയിൽ 12 മത്സരങ്ങൾ കളിച്ചിട്ടുണ്ട്, രണ്ട് അസിസ്റ്റും മൂന്ന് ഗോളുകളും നേടിയിട്ടുമുണ്ട്. റയലിനായി നാല് വർഷം കളിച്ചിട്ടുള്ള താരമാണ് ഡി മരിയ, സാധാരണ റയലിലുള്ള താരങ്ങൾ ബാഴ്‌സയിലോ തിരിച്ചോ അങ്ങനെ വരാറില്ലാത്തതാണ്
