ഇത്തവണത്തെ മികച്ച ഫുട്ബോൾ താരത്തിനുള്ള ബാലൺ ഡി ഓർ പുരസ്കാരം സ്വന്തമാക്കിയത് സ്പാനിഷ് താരമായ റോഡ്രിയാണ്. എന്നാൽ ഈ പുരസ്കാരം നേടാൻ വേണ്ടി ഏറ്റവും കൂടുതൽ ഉയർന്നു കേട്ട പേരാണ് ബ്രസീൽ താരമായ വിനീഷ്യസ് ജൂനിയറിന്റേത്. പുരസ്കാരം പ്രഖ്യാപിക്കുന്നതിന് കുറച്ച് നേരം മുൻപാണ് വിനിക്ക് ഇത്തവണ രണ്ടാം സ്ഥാനമാണ് എന്ന് അറിഞ്ഞത്. അതിൽ റയൽ മാഡ്രിഡ് ചടങ്ങ് ബഹിക്ഷകരിക്കുകയും ചെയ്തതോടെ സംഭവം ആളി കത്തി.
വിനിഷ്യസിനും, റയൽ മാഡ്രിഡ് താരങ്ങൾക്കും ഈ കാര്യം വലിയ നിരാശയാകുന്നതായിരുന്നു. എന്നാൽ ഫുട്ബോൾ ലോകത്തെ ഞെട്ടിക്കുന്ന സംഭവവികാസങ്ങളാണ് ഇപ്പോൾ അരങ്ങേറിയിരിക്കുന്നത്. കഴിഞ്ഞ ദിവസം നടന്ന ബാഴ്സയും എസ്പനോളും തമ്മിലുള്ള മത്സരത്തിനിടെ ബാഴ്സ ആരാധകർ വിനീഷ്യസിനെ പരിഹസിച്ചിട്ടുണ്ട്. ബാലൺ ഡി ഓർ ലഭിക്കാത്തതിനെ തന്നെയാണ് അവർ പരിഹസിച്ചിട്ടുള്ളത്. ബീച്ച് ബോൾ..വിനീഷ്യസ്..ബീച്ച് ബോൾ.. എന്നാണ് ബാഴ്സ ആരാധകർ ചാന്റ് മുഴക്കിയിട്ടുള്ളത്. ബാലൺ ഡി ഓർ കിട്ടിയില്ലെങ്കിലും ബീച്ചിൽ കളിക്കുന്ന പന്ത് പുരസ്കാരമായി കിട്ടും എന്ന് കളിയാകുകയാണ് അവർ. ഈ പ്രവർത്തി ശരിയായ ഒന്നല്ല എന്നാണ് പല മുൻ താരങ്ങളും അഭിപ്രായപ്പെടുന്നത്.
ബാഴ്സയുടെ ആരാധകരുടെ കൂടെ അത്ലറ്റികോയുടെ ആരാധകരും അദ്ദേഹത്തെ കളിയാക്കാൻ ഒത്ത് കൂടി. വലൻസിയ ആരാധകരും വിനിക്ക് നേരെ ചാന്റ് ചെയ്യാൻ പദ്ധതികൾ ഇട്ടിരുന്നു പക്ഷെ മത്സരം പ്രകൃതി ദുരന്തം കാരണം നീട്ടി വെക്കുകയായിരുന്നു.