മുന് ഇന്ത്യന് പേസ് ബൗളര് സഹീര് ഖാന്റെ കല്യാണമായിരുന്നു കഴിഞ്ഞ ദിവസം. ബോളിവുഡ് താരവും നടിയും മോഡലുമായ സാഗരികയായിരുന്നു വധു. ഇരുവരും ഏറെ നാളായി പ്രണയത്തിലായിരുന്നു. ഇന്ത്യന് ക്രിക്കറ്റ് താരങ്ങളൊക്കെ ആശംസയുമായി സോഷ്യല് മീഡിയയില് എത്തിയിരുന്നു.എന്നാല് മുന് ഇന്ത്യന് ഓപ്പണര് ഗൗതം ഗംഭീറിന്റെ ട്വീറ്റാണ് ഇപ്പോള് ട്വിറ്ററില് തരംഗം.
“ആശംസകള് സഹീര്, ഒടുവില് സഹീറിനെതിരെയും ബൗണ്സറുകള് എറിയാന് ഒരാളായി. എന്റെ സഹോദരാ.. അനുഭവത്തിന്റെ വെളിച്ചത്തില് പറയുകയാണ് ഒരിക്കലും പുള്ഷോട്ടിന് ശ്രമിയ്ക്കരുത്.ആ ബൗണ്സറുകള് ലീവ് ചെയ്യുന്നതായിരിയ്ക്കും നല്ലത്” എന്നായിരുന്നു ഗംഭീറിന്റെ ട്വീറ്റ്.
താന് പറഞ്ഞത് ശെരിയല്ലേ എന്ന് ഗംഭീര് യുവരാജിനോടും ഹര്ഭജനോടും ചോദിയ്ക്കുന്നുമുണ്ട്. ഡല്ഹി താരത്തിന്റെ രസികന് ട്വീറ്റിന് വന് പ്രതികരണമാണ് ലഭിച്ചത്.
2011 ല് വിവാഹിതനായ ഗംഭീര് സഹീറിന്റെ സഹതാരമായിരുന്നു. വ്യത്യസ്ത മതവിഭാഗത്തില് നിന്നുള്ളവരായതിനാല് മതപരമായ ചടങ്ങുകളൊക്കെ ഒഴിവാക്കി നിയമപരമായിട്ടായിരുന്നു ഇരുവരുടെയും വിവാഹം.
സഹീര് ഖാന് അന്താരാഷ്ട്ര ക്രിക്കറ്റില് നിന്നും 2015 ല് വിരമിച്ചിരുന്നു.ഇന്ത്യയ്ക്കു വേണ്ടി 92 ടെസ്റ്റില് നിന്നായി 311 വിക്കറ്റുകളും 200 ഏകദിനങ്ങളുല് നിന്നായി 282 വിക്കറ്റുകളും നേടിയിട്ടുണ്ട്.ബോളുവുഡിന്റെ കിങ് ഖാനായ ഷാരൂഖ് നായകനായ “ചക്ദേ ഇന്ത്യ”യിലെ നായികയായിട്ടായിരുന്നു സാഗരികയുടെ അരങ്ങേറ്റം.