ന്യൂസിലന്‍ഡിനെതിരായ മൂന്നാം ഏകദിനത്തിലൂടെ ഒരിടവേളയ്ക്ക് ശേഷം രോഹിത് ശര്‍മ്മ വീണ്ടും സെഞ്ച്വറി നേടിയിരിക്കുകയാണ്. 85 പന്തില്‍ 101 റണ്‍സുമായി തകര്‍പ്പന്‍ പ്രകടനമാണ് ഇന്ത്യന്‍ നായകന്‍ കാഴ്ചവെച്ചത്. 507 ദിവസത്തെ കാത്തിരിപ്പിന് വിരാമമിട്ടാണ് രോഹിത് വീണ്ടും സെഞ്ച്വറിയുടെ വഴിയേ തിരിച്ചെത്തിയിരിക്കുന്നത്. ഇപ്പോഴിതാ സെഞ്ച്വറികള്‍ക്കിടയില്‍ വന്ന ഈ നീണ്ട ഇടവേളയെ കുറിച്ച് ചോദിച്ച മാധ്യമപ്രവര്‍ത്തകനോട് ക്ഷുഭിതനായി താരം പറഞ്ഞ വാക്കുകളാണ് വൈറലായിരിക്കുന്നത്.
എന്താണ് യഥാര്‍ഥത്തില്‍ സംഭവിക്കുന്നതെന്നു നിങ്ങള്‍ മനസ്സിലാക്കണം. ബ്രോഡ്കാസ്റ്റിലായിരിക്കാം ഇതു കാണിച്ചതെന്നു (സെഞ്ച്വറികള്‍ക്കിടയിലെ ഗ്യാപ്പ്) കാണിച്ചതെന്നു എനിക്കറിയാം. ചില സമയങ്ങളില്‍ നിങ്ങള്‍ (ബ്രോഡ്കാസ്റ്റര്‍മാര്‍) ശരിയായ കാര്യങ്ങള്‍ കൂടി കാണിക്കണം.
കഴിഞ്ഞ വര്‍ഷമുടനീളം ഞങ്ങള്‍ ടി20 ഫോര്‍മാറ്റിലായിരുന്നു കൂടുതല്‍ ശ്രദ്ധ പതിപ്പിച്ചത്. ഏകദിന മല്‍സരങ്ങളില്‍ അധികം കളിച്ചിരുന്നില്ല. അതുകൊണ്ടു തന്നെ ആളുകള്‍ ഇക്കാര്യങ്ങള്‍ കൂടി മനസില്‍ വയ്ക്കേണ്ടത് ആവശ്യമാണ്. ബ്രോഡ്കാസ്റ്റര്‍മാര്‍ ശരിയായ കാര്യങ്ങള്‍ കാണിക്കേണ്ടതുണ്ട് രോഹിത് പറഞ്ഞു.
2020ല്‍ ഓസ്ട്രേലിയക്കെതിരേയായിരുന്നു അദ്ദേഹത്തിന്റെ അവസാനത്തെ ഏകദിന സെഞ്ച്വറി. ശേഷം കഴിഞ്ഞ രണ്ടു വര്‍ഷത്തിനിടെ 11 ഏകദിനങ്ങളില്‍ മാത്രമേ അദ്ദേഹം കളിച്ചിരുന്നുള്ളൂ. 2021ല്‍ മൂന്നും കഴിഞ്ഞ വര്‍ഷം എട്ടും ഏകദിനങ്ങളിലാണ് രോഹിത്തിനെ ഇന്ത്യന്‍ ടീമില്‍ കണ്ടത്.