ലഖ്നൗ സൂപ്പർ ജയന്റ്സിനെതിരെ (എൽഎസ്ജി) നടന്ന മത്സരത്തിൽ ചെന്നൈ സൂപ്പർ കിംഗ്സ് നായകൻ എംഎസ് ധോണിയുടെ മികച്ച പ്രകടനത്തെ ശിവം ദുബെ പ്രശംസിച്ചു. വിജയത്തിനായി 167 റൺസ് പിന്തുടർന്ന ചെന്നൈ സൂപ്പർ കിംഗ്സ്, നല്ല തുടക്കം പോലും പിന്തുടർന്നെങ്കിലും പിന്നെ ടീം പ്രതിസന്ധിയിലായി.
മഞ്ഞപ്പട 15 ഓവറിൽ 111/5 എന്ന നിലയിൽ നിൽക്കുമ്പോൾ ധോണി ക്രീസിൽ ദുബൈക്ക് ഒപ്പം ചേർന്നു. ഇരുവരും ചേർന്നുള്ള 57 റൺ കൂട്ടുകെട്ട് ടീമിന്റെ വിജയത്തിൽ അതിനിർണായകമായ. ഇതിൽ എടുത്ത് പറയേണ്ടത് ധോണി മത്സരത്തെ റീഡ് ചെയ്ത രീതിയാണ്. ദുബൈ സമ്മർദത്തിൽ ആണെന്ന് മനസിലാക്കിയതിനാൽ വളരെ വേഗത്തിൽ സ്കോർ ചെയ്ത് സഹതാരത്തെ കൂളാക്കി.
ധോണി 11 പന്തിൽ നിന്ന് 26 റൺസുമായി പുറത്താകാതെ നിന്നു, ദുബെ 37 പന്തിൽ നിന്ന് 43* റൺസ് നേടി. മത്സരത്തിന് ശേഷം ആരാധകരുടെയും വിദഗ്ധരുടെയും ഇടയിൽ ചർച്ചകളിൽ ഭൂരിഭാഗവും രവി ബിഷ്ണോയിയെ അവസാന ഓവറിൽ എറിയാതിരുന്നതാണ് ലക്നൗ പരാജയ കാരണം എന്നുള്ളത് ആയിരുന്നു. ലെഗ് സ്പിന്നർ മൂന്ന് ഓവറിൽ 18 റൺസ് വഴങ്ങി രണ്ട് റൺസ് നേടിയെങ്കിലും എൽഎസ്ജി അവസാന ഓവറിൽ രവി ബിഷ്ണോയിയെ ബൗൾ ചെയ്തില്ല എന്നതാണ്.
സിഎസ്കെ എക്സ് ഹാൻഡിൽ പങ്കിട്ട ഒരു വീഡിയോയിൽ, താൻ( ദുബൈ) ക്രീസിൽ നിൽക്കുമ്പോൾ ബിഷ്ണോയി തന്റെ അവസാന ഓവർ എറിയില്ലെന്ന് ധോണി എങ്ങനെ പ്രവചിച്ചുവെന്ന് ദുബെ വെളിപ്പെടുത്തി.
“മഹി ഭായ് എന്നോട് പറഞ്ഞ ചില കാര്യങ്ങൾ – ബിഷ്ണോയിക്ക് ഒരു ഓവർ ബാക്കി ഉണ്ടായിരുന്നു – അതിനാൽ അവസാനം ഞാൻ അവിടെ അവസാനം വരെ കളിച്ചാൽ അവൻ പന്തെറിയില്ലെന്ന് ധോണി എന്നോട് പറഞ്ഞു. അതുപോലെ സംഭവിച്ചു. ഫാസ്റ്റ് ബോളർമാർ പന്തെറിഞ്ഞതോടെ ധോണിക്ക് കാര്യങ്ങൾ എളുപ്പമായി.”‘
എന്തായാലും ധോണിയുടെ കളി റീഡ് ചെയ്യുന്ന രീതിയെയാണ് ആരാധകർ പുകഴ്ത്തുന്നത്.