ഇന്ത്യയുടെ എറ്റവും മികച്ച ടെസ്റ്റ് ക്യാപ്റ്റന്മാരില് ഒരാളായാണ് വിരാട് കോഹ്ലി അറിയപ്പെടുന്നത്. ടീമിനെ നിര്ണായകമായ പല സീരീസുകളിലും വിജയത്തിലേക്ക് നയിക്കാന് കോഹ്ലിക്ക് സാധിച്ചിട്ടുണ്ട്. കൂടാതെ കൂടുതല് കാലം ഐസിസി ടെസ്റ്റ് റാങ്കിങ്ങില് ഇന്ത്യയെ ഒന്നാം സ്ഥാനത്ത് എത്തിക്കാനും താരത്തിന് സാധിച്ചു. വിരാട് കോഹ്ലി ക്യാപ്റ്റനായ സമയത്ത് ഇന്ത്യന് ടീമില് പ്രധാന സ്പിന്നറായി കളിച്ച താരമായിരുന്നു രവിചന്ദ്രന് അശ്വിന്. കോഹ്ലിയുടെ വിജയകരമായ ക്യാപ്റ്റന്സി റെക്കോഡില് അശ്വിനും നിര്ണായക പങ്കുവഹിച്ചിട്ടുണ്ട്. പലപ്പോഴും കോഹ്ലി ഏല്പ്പിച്ച ഉത്തരവാദിത്തങ്ങളെല്ലാം ഭംഗിയായി ചെയ്ത് പൂര്ത്തിയാക്കാന് അശ്വിന് സാധിച്ചു.
അശ്വിനെ കുറിച്ച് വര്ഷങ്ങള്ക്ക് മുന്പ് കോഹ്ലി പറഞ്ഞ വാക്കുകളാണ് ഇപ്പോള് വീണ്ടും സോഷ്യല് മീഡിയയില് നിറയുന്നത്. ന്യൂസിലന്ഡിനെതിരെ 2016ല് നടന്ന ഹോം സീരിസില് ആദ്യ മത്സരത്തില് 197 റണ്സ് വിജയമാണ് ഇന്ത്യ നേടിയത്. ആദ്യ ഇന്നിങ്സില് ബാറ്റിങ്ങില് 40 റണ്സ് നേടിയ അശ്വിന് രണ്ട് ഇന്നിങ്സുകളിലായി പത്ത് വിക്കറ്റുകളും വീഴ്ത്തി.
“ഇന്ത്യന് ടീമിനു വേണ്ടി അശ്വിന് മികച്ച പ്രകടനം കാഴ്ചവച്ചിട്ടുണ്ട്. ലോകത്തിലെ എല്ലാ മികച്ച കളിക്കാരെയും എടുത്തുനോക്കിയാല്, അദ്ദേഹം എളുപ്പത്തില് ആദ്യ മൂന്ന്-നാല് സ്ഥാനങ്ങളില് എത്തും. ടെസ്റ്റ് മത്സരങ്ങള് വിജയിപ്പിക്കുന്നത് ബൗളര്മാരാണെന്ന് ഞാന് കരുതുന്നു, അശ്വിനും അവരില് ഒരാളാണ്. റാങ്കിംഗ്- ഞാന് അതിലൊന്നും വലിയ ബോധവാനല്ല. അശ്വിന് ഇപ്പോള് ഏറ്റവും മികച്ചവനാണെന്ന് സൂചിപ്പിക്കുന്നു. അതിനാല് നിങ്ങളുടെ ടെസ്റ്റ് ടീമില് അശ്വിനെപ്പോലുള്ള ഒരു ക്രിക്കറ്റ് കളിക്കാരന് ഉണ്ടായിരിക്കുന്നത് വിലമതിക്കാനാവാത്തതാണ്”.
“കഴിഞ്ഞ കുറച്ച് വര്ഷങ്ങളായി അദ്ദേഹം മികച്ച രീതിയില് പന്തെറിയുന്നുണ്ടെന്നതില് സംശയമില്ല. അശ്വിന് തന്റെ കളിയില് വളരെ കഠിനാധ്വാനം ചെയ്യുന്നു. അദ്ദേഹം കളിയെക്കുറിച്ച് വളരെ സൂക്ഷ്മമായി ചിന്തിക്കുന്ന ആളാണ്. ക്രിക്കറ്റിനെക്കുറിച്ച് സംസാരിക്കാന് അശ്വിന് ഇഷ്ടമാണ്. അദ്ദേഹം കളിയെ നന്നായി മനസ്സിലാക്കുന്നു, അദ്ദേഹം വളരെ മിടുക്കനായ ക്രിക്കറ്റ് കളിക്കാരനാണ്, വളരെ ബുദ്ധിമാനാണ്. അത് അശ്വിന്റെ ബാറ്റിംഗിലും പ്രകടമാണ്. അദ്ദേഹം സാഹചര്യം മനസ്സിലാക്കുകയും അതിനനുസരിച്ച് കളിക്കുകയും ചെയ്യുന്നു. എപ്പോള് റണ്സ് നേടണമെന്നും എപ്പോള് സാഹചര്യം മറികടക്കണമെന്നും അശ്വിന് അറിയാം, കോഹ്ലി കൂട്ടിച്ചേര്ത്തു.