കൊല്ക്കത്ത നൈറ്റ്റൈഡേഴ്സിന്റെ സ്റ്റാര് സ്പിന്നര് വരുണ് ചക്രവര്ത്തി വിവാഹിതനായി. നേഹ ഖേദേക്കറാണ് വധു. ശനിയാഴ്ച ചെന്നൈയിലായിരുന്നു വിവാഹം. ഈ വര്ഷം ആദ്യം നടത്താന് തീരുമാനിച്ചിരുന്ന വിവാഹം കോവിഡിനെ തുടര്ന്ന് മാറ്റിവെക്കുകയായിരുന്നു.
കൊല്ക്കത്ത നൈറ്റ്റൈഡേഴ്സാണ് ഇവരുടെ വിവാഹ വിശേഷം ആരാധകരിലേക്ക് എത്തിച്ചത്. ഇക്കഴിഞ്ഞ ഐ.പി.എല് സീസണില് നൈറ്റ് റൈഡേഴ്സിനായി 13 കളിയില് നിന്ന് വരുണ് 17 വിക്കറ്റ് വീഴ്ത്തിയിരുന്നു.
ഓസ്ട്രേലിയക്കെതിരായ ഇന്ത്യയുടെ ടി20 ടീമില് വരുണ് ഉള്പ്പെട്ടിരുന്നു എങ്കിലും പരിക്കിനെ തുടര്ന്ന് പര്യടനം നഷ്ടമായി. ഐ.പി.എല്ലില് മികവ് കാണിച്ചതോടെയായിരുന്നു വരുണിന് ഇന്ത്യയുടെ ഓസീസ് പര്യടനത്തിലേക്ക് വിളിയെത്തിയത്.
തിരുവനന്തപുരത്തെ ബി.എസ്.എന്.എല് ചീഫ് ജനറല് മാനേജര് വിനോദ് ചക്രവര്ത്തിയുടെയും ഹേമമാലിനിയുടെയും മകനാണ് വരുണ്. അമ്മ മലയാളിയാണ്.