അണ്ടര് 19 ലോകകപ്പില് തകര്പ്പന് ജയവുമായി ടീം ഇന്ത്യ. ജപ്പാനെതിരേയാണ് ഇന്ത്യ 10 വിക്കറ്റിന്റെ തകര്പ്പന് ജയം സ്വന്തമാക്കിയത്. ടോസ് നഷ്ടമായി ആദ്യം ബാറ്റ് ചെയ്ത ജപ്പാനെ 22.5 ഓവറില് കേവലം 41 റണ്സിന് ഇന്ത്യ പുറത്താക്കുകയായിരുന്നു.
മറുപടി ബാറ്റിംഗില് 4.5 ഓവറില് ഇന്ത്യ വിജയലക്ഷ്യം മറികടന്നു. 18 പന്തില് 29 റണ്സെടുത്ത യശസ്വി ജയ്സ്വാളും 11 പന്തില് 13 റണ്സെടുത്ത കുമാര് കുശാഗ്രയും ചേര്്ന്നാണ് ഇന്ത്യ അനായാസ ജയം സ്വന്തമാക്കിയത്.
ജപ്പാന് നേടിയ 41 റണ്സില് 19 എണ്ണം എക്സ്ട്രാ ആയിരുന്നു എന്നതാണ് ഏറെ രസകരം. ജപ്പാന്റെ ഒരു ബാറ്റ്സ്മാന് പോലും രണ്ടക്കം കാണാതിരുന്നപ്പോള് അഞ്ച് പേര് പൂജ്യത്തിന് പുറത്തായി. ഏഴ് റണ്സ് വീതമെടുത്ത ഓപ്പണര് ഷൂ നഗൗച്ചിയും കെന്റ ഓട്ട ഡോബെല്ലുമാണ് ജപ്പാന്റെ ടോപ് സ്കോററര്മാര്.
ഇന്ത്യക്കായി കാര്ത്തിക് ത്യാഗി മൂന്നും രവി ബിഷ്ണോയ് നാലും ആകാശ് സിംഗ് രണ്ടും വിക്കറ്റെടുത്തു. ടൂര്ണമെന്റില് ഇന്ത്യയുടെ തുടര്ച്ചയായ രണ്ടാം ജയമാണിത്. ആദ്യ മത്സരത്തില് ഇന്ത്യ ശ്രീലങ്കയെ തോല്പ്പിച്ചിരുന്നു.
ജയത്തോടെ ഗ്രൂപ്പ് എയില് നാലു പോയന്റുമായി ഇന്ത്യ മുന്നിലെത്തി. 24ന് ന്യൂസിലന്ഡിനെതിരായാണ് ഇന്ത്യയുടെ അടുത്ത പോരാട്ടം.