ട്വന്റി20 ലോക കപ്പിനെക്കാള് ഏകദിന ക്രിക്കറ്റിലെ ലോക കിരീടത്തിനാണ് മഹിമ കൂടുതലെന്ന് മുന് ഇന്ത്യന് ഓപ്പണര് ഗൗതം ഗംഭീര്. ട്വന്റി20 ലോക കപ്പുകള്ക്കിടയിലെ കാലദൈര്ഘ്യം വര്ദ്ധിപ്പിക്കണമെന്നും ഗംഭീര് ആവശ്യപ്പെട്ടു.
1981ല് ജനിച്ച,് തൊണ്ണൂറുകള് മുതല് ക്രിക്കറ്റ് കാണുന്നയാള് എന്ന നിലയില് ട്വന്റി20 ലോക കപ്പിനെക്കാള് വലുത് ഏകദിന ലോക കപ്പ് ട്രോഫിയാണെന്ന് ഞാന് കരുതുന്നു. ഏകദിന ലോക കപ്പ് നാല് വര്ഷത്തിലൊരിക്കലേ നടക്കുകയുള്ളൂ. എന്നാല് ട്വന്റി20 ലോക കപ്പ് അതിനിടെ രണ്ടു വട്ടം അരങ്ങേറും. ഇപ്പോഴിതാ ട്വന്റി 20 ലോക കപ്പ് വരുന്നു. അടുത്തവര്ഷം ഓസ്ട്രേലിയ മറ്റൊരു ട്വന്റി20 ലോക കപ്പിന് ആതിഥ്യം ഒരുക്കും. മത്സര ക്രമത്തെ കോവിഡ് സ്വാധീനിച്ചിരിക്കാം. എങ്കിലും കഴിഞ്ഞ ഏകദിന ലോക കപ്പിന്റെ ഫലം പറയുന്ന കൃത്യതയോടെ ഇതിനു മുന്പത്തെ ട്വന്റി20 ലോക കപ്പിനെ പറ്റി ഓര്മ്മിച്ചെടുക്കാന് ആരാധകര്ക്ക് കഴിയുമെന്ന് എനിക്ക് തോന്നുന്നില്ല- ഗംഭീര് പറഞ്ഞു.
ട്വന്റി20 ലോക കപ്പ് മൂന്ന് വര്ഷത്തില് ഒരിക്കല് നടത്തണം. ചാമ്പ്യനായാല് അല്പ്പ കാലത്തേക്കെങ്കിലും ആ സ്ഥാനം നിലനിര്ത്താന് താന് ആഗ്രഹിക്കുമെന്നും ഗംഭീര് കൂട്ടിച്ചേര്ത്തു.