വിരാട് കോഹ്ലി തൻ്റെ ചിന്തകളിലും പ്രവൃത്തികളിലും ഒരു ഓസ്ട്രേലിയക്കാരനെ പോലെയാണ് പെരുമാറുന്നതെന്ന് സ്റ്റീവ് സ്മിത്ത്. “ചിന്തയിലും പ്രവർത്തനത്തിലും വിരാട് കോഹ്ലി ഓസ്ട്രേലിയക്കാരനാണെന്ന് ഞാൻ വിശ്വസിക്കുന്നു. വെല്ലുവിളികളെ ഏറ്റെടുക്കുകയും എതിരാളികളിൽ ആധിപത്യം സ്ഥാപിക്കുകയും ചെയ്യുന്ന രീതി. ഇന്ത്യൻ കളിക്കാരിൽ ഇങ്ങനെ ഒരു രീതി നോക്കിയാൽ ഓസ്ട്രേലിയൻ താരമാണ് അദ്ദേഹം,” സ്റ്റീവ് സ്മിത്ത് സ്റ്റാർ സ്പോർട്സിൽ പറഞ്ഞു.
“എനിക്ക് അവനെ തോൽപ്പിക്കണം എന്ന തോന്നൽ ഒന്നുമില്ല. മധ്യനിരയിൽ പോയി കഴിയുന്നത്ര റൺസ് നേടാനും ഓസ്ട്രേലിയയെ മത്സരങ്ങൾ വിജയിപ്പിക്കാൻ സഹായിക്കാനുമാണ്, ”അദ്ദേഹം കൂട്ടിച്ചേർത്തു. ഈ വർഷാവസാനം ബോർഡർ-ഗവാസ്കർ ട്രോഫിക്ക് മുന്നോടിയായി വിരാടുമായുള്ള സൗഹൃദത്തെക്കുറിച്ചും സ്മിത്ത് ചർച്ച ചെയ്തു. കളിക്കളത്തിന് പുറത്ത് തങ്ങൾ നള കൂട്ടുകാർ ആണെന്നും സ്റ്റീവ് സ്മിത്ത് പറഞ്ഞു.
സ്മിത്തും കോഹ്ലിയും ലോകത്തിലെ ഏറ്റവും മികച്ച താരങ്ങളാണ് കെയ്ൻ വില്യംസണും ജോ റൂട്ടും ഉൾപ്പെടുന്ന ഫാബ് 4 ലിസ്റ്റിൻ്റെ ഭാഗമാണ് രണ്ട് താരങ്ങളും. “ഞങ്ങൾ ഇടയ്ക്കിടെ സന്ദേശങ്ങൾ പങ്കിടുന്നു. നോക്കൂ, വിരാട് ഒരു മികച്ച വ്യക്തിയും മികച്ച കളിക്കാരനുമാണ്. ഈ വേനൽക്കാലത്ത് അദ്ദേഹത്തിനെതിരെ കളിക്കുന്നത് കാണാൻ കാത്തിരിക്കുകയാണ്.” സ്മിത്ത് പറഞ്ഞു.
ഓസ്ട്രേലിയയിൽ ആറ് സെഞ്ച്വറികൾ ഉൾപ്പെടെ 13 ടെസ്റ്റുകളിൽ നിന്ന് 1352 റൺസാണ് വിരാട് നേടിയത്. മറുവശത്ത്, ഇന്ത്യയ്ക്കെതിരായ ഒമ്പത് സെഞ്ച്വറികൾ ഉൾപ്പെടെ 19 ടെസ്റ്റുകളിൽ നിന്ന് 2042 റൺസ് സ്മിത്ത് നേടിയിട്ടുണ്ട്.