വിരാട് കോഹ്ലി-രോഹിത് ശര്മ്മ വിരമിക്കലിന് ശേഷം മലയാളി താരം സഞ്ജു സാംസണെ ബിസിസിഐ പിന്തുണയ്ക്കണമെന്ന് മുന് താരം സ്റ്റുവര്ട്ട് ബിന്നി. ടി20യില്നിന്ന് രോഹിത്തും കോഹ്ലിയും വിരമിച്ച ഒഴിവിലേക്ക് ഏറ്റവും അനുയോജ്യരാവര് ആരാണെന്നാണ് താങ്കള് കരുതുന്നത് എന്ന ചോദ്യത്തോട് പ്രതികരിക്കവേയാണ് ബിന്നി സഞ്ജുവിന്റെ പേര് തിരഞ്ഞെടുത്തത്.
കോഹ്ലിയും രോഹിത്തും പോകുന്നതോടെ സഞ്ജു സാംസണിന് കുറച്ചുകൂടി പിന്തുണയും അവസരവും ലഭിക്കണമെന്നാണ് എന്റെ ആഗ്രഹം. ലഭിക്കുന്ന ചെറിയ അവസരങ്ങള് പോലും സഞ്ജു പരമാവധി മുതലെടുക്കുന്നുണ്ട്. മുന്നോട്ടു പോകുമ്പോള് സഞ്ജുവിന് സ്ഥിരമായി അവസരങ്ങള് ലഭിക്കുന്ന സാഹചര്യം ഉണ്ടാകണമെന്നാണ് എന്റെ അഭിപ്രായം- സ്റ്റുവര്ട്ട് ബിന്നി പറഞ്ഞു.
നിലവില് ദുലീപ് ട്രോഫിയില് കളിക്കുകയാണ് സഞ്ജു. മോശം ഫോമിലായിരുന്ന സഞ്ജു ദുലീപ് ട്രോഫിയില് സ്ഥിരതയോടെ തന്നെ കളിച്ചുവെന്ന് പറയാം. രണ്ട് മത്സരത്തില് നിന്ന് നാല് ഇന്നിങ്സ് ബാറ്റ് ചെയ്ത സഞ്ജു സാംസണ് 196 റണ്സാണ് നേടിയത്. 49 ശരാശരിയില് കളിച്ച സഞ്ജു മികച്ച സ്ട്രൈക്ക് റേറ്റിലും റണ്സുയര്ത്തി.