ഇപ്പോൾ നടന്ന ടി-20 ലോകകപ്പില് ഇന്ത്യ തങ്ങളുടെ മൂന്നാം ലോകകിരീടം സ്വന്തമാക്കിയിരുന്നു. അവസാന മത്സരത്തിൽ ഇന്ത്യക്കായി മികച്ച പ്രകടനമാണ് സഞ്ജു സാംസൺ, അഭിഷേക് ശർമ്മ, ഇഷാൻ കിഷൻ, ശിവം ദുബെ ഹാർദിക് പാണ്ട്യ എന്നിവർ നടത്തിയത്. ബോളിങ്ങിൽ ജസ്പ്രീത് ബുംറ, ഹർദിക് പാണ്ട്യ, അർശ്ദീപ് സിങ്, അക്സർ പട്ടേൽ എന്നിവരും മികച്ച പ്രകടനം പുറത്തെടുത്തു.ഇന്ത്യ ചരിത്രം
മത്സരത്തിൽ മാൻ ഓഫ് ദി ടൂർണമെന്റായി തിരഞ്ഞെടുക്കപ്പെട്ടത് മലയാളി താരം സഞ്ജു സാംസണാണ്. 5 ഇന്നിങ്സുകളിൽ നിന്നായി 321 റൺസാണ് താരം നേടിയത്. കൂടാതെ നിർണായകമായ മൂന്നു മത്സരങ്ങളിലും ഇന്ത്യയെ വിജയിപ്പിച്ചത് സഞ്ജുവായിരുന്നു. ഏഷ്യ കപ്പിന് ശേഷം യുവ താരം ശുഭ്മൻ ഗില്ലിനെ ഓപണിംഗിൽ നിന്നും പിന്നീട് ടീമിൽ നിന്നും ഒഴിവാക്കിയിരുന്നു. താരത്തിന് പകരമായാണ് സഞ്ജുവിന് അവസരം ലഭിച്ചത്.
ഇപ്പോഴിതാ ടി-20 ലോകകപ്പ് നേടിയ ഇന്ത്യൻ ടീമിന് അഭിനന്ദനങ്ങൾ അറിയിച്ച് ശുഭ്മാൻ ഗിൽ പങ്കുവെച്ച ഇൻസ്റ്റഗ്രാം പോസ്റ്റിന് താഴെ രൂക്ഷവിമര്ശനവുമായി ആരാധകര് രംഗത്ത് എത്തിയിരിക്കുകയാണ്. ടി20 ക്യാപ്റ്റൻ സൂര്യകുമാര് യാദവും ടീം അംഗങ്ങളും ലോകകിരീടം ഉയര്ത്തുന്ന ചിത്രമാണ് ഗില് പങ്കുവെച്ചത്. ഈ ചിത്രത്തിൽ മലയാളി താരം സഞ്ജു സാംസണെ കാണാത്തതാണ് ആരാധകരെ ചൊടിപ്പിച്ചത്.