ഐപിഎല് 2025 സീസണില് ആദ്യ ക്വാളിഫയര് ഉറപ്പിച്ചിരിക്കുകയാണ് ശ്രേയസ് അയ്യരുടെ പഞ്ചാബ് കിങ്സ്. ചരിത്രത്തില് ഇത് രണ്ടാമത്തെ തവണ മാത്രമാണ് ക്വാളിഫയറിന് പഞ്ചാബ് യോഗ്യത നേടുന്നത്. പഞ്ചാബിനെ ടോപ് 2 ടീമുകളില് ഒന്നായി മാറ്റിയതോടെ ഐപിഎല് ചരിത്രത്തില് ഒരപൂര്വ്വ നേട്ടത്തില് എത്തിയിരിക്കുകയാണ് ശ്രേയസ് അയ്യര്. മൂന്ന് വ്യത്യസ്ത ടീമുകളെ ഐപിഎലില് ടോപ് 2 ടീമുകളൊന്നാക്കി മാറ്റിയെന്ന റെക്കോഡാണ് ശ്രേയസ് സ്വന്തമാക്കിയിരിക്കുന്നത്.
2020ലാണ് ഡല്ഹി ക്യാപിറ്റല്സ് ശ്രേയസ് അയ്യരിന് കീഴില് ടോപ് 2 ടീമാകുന്നതും ഐപിഎല് ഫൈനല് കളിച്ചതും. കഴിഞ്ഞ വര്ഷമാണ് കൊല്ക്കത്ത നൈറ്റ് റൈഡേഴ്സ് ശ്രേയസിന്റെ ക്യാപ്റ്റന്സിയില് ടോപ് 2 ടീമാകുന്നതും ഫൈനല് കളിച്ച് കിരീടം നേടിയതും. ഈ വര്ഷം പഞ്ചാബ് കിങ്സിനെയും ടോപ് 2വില് എത്തിച്ചതോടെ ഇനി പഞ്ചാബ് ഫൈനല് കളിക്കുമോയെന്നാണ് എല്ലാവരും ഉറ്റുനോക്കുന്നത്.
ഏതായാലും ഐപിഎല് ചരിത്രത്തിലെ എറ്റവും മികച്ച ക്യാപ്റ്റന്മാരില് ഒരാളായിരിക്കുകയാണ് ശ്രേയസ്. ക്വാളിഫയര് 1ല് ഏതെങ്കിലും ടീമുകളെ കൂടുതല് തവണ എത്തിച്ചതില് എംഎസ് ധോണിക്കും രോഹിത് ശര്മ്മക്കും പിന്നിലാണ് ശ്രേയസ് അയ്യരുളളത്. ധോണി ഏഴ് തവണയാണ് ചെന്നൈ സൂപ്പര് കിംഗ്സിനെ ക്വാളിഫയര് 1ല് എത്തിച്ചിട്ടുളളത്. രോഹിത് ശര്മ്മ അഞ്ച് തവണ മുംബൈ ഇന്ത്യന്സിനെ ക്വാളിഫയര് 1ല് എത്തിച്ചു.