ഐപിഎലിൽ ഇന്ന് നടക്കുന്ന മത്സരത്തിൽ ലക്നൗ സൂപ്പർ ജയന്റസിനെതിരെ തന്റെ ആദ്യ അരങ്ങേറ്റ മത്സരത്തിൽ തന്നെ വെടിക്കെട്ട് പ്രകടനം നടത്തിയിരിക്കുകയാണ് വൈഭവ് സൂര്യവൻഷി. ആദ്യ ബോളിൽ തന്നെ സിക്സ് അടിച്ചാണ് അദ്ദേഹം തന്റെ അരങ്ങേറ്റം ഗംഭീരമാക്കിയത്. കൂടാതെ ഒറ്റ മത്സരം കൊണ്ട് താരം സ്വന്തമാക്കിയത് ചരിത്ര നേട്ടം കൂടിയാണ്. ഐപിഎലിൽ അരങ്ങേറ്റം കുറിക്കുന്ന ഏറ്റവും പ്രായം കുറഞ്ഞ വ്യകതി എന്ന നേട്ടമാണ് 14 വയസുള്ള വൈഭവ് സൂര്യവൻഷി നേടിയിരിക്കുന്നത്.
തുടക്കം മുതൽ അക്രമണോസക്തമായ ബാറ്റിംഗ് പ്രകടനമാണ് യുവ താരം കാഴ്ച വെക്കുന്നത്. 20 പന്തിൽ 2 ഫോറും, 3 സിക്സറുമടക്കം താരം 34 റൺസാണ് നേടിയിരിക്കുന്നത്. പരിക്ക് പറ്റി ക്യാപ്റ്റൻ സഞ്ജു സാംസൺ പുറത്തായതോടെ അദ്ദേഹത്തിന്റെ സ്ഥാനത്താണ് രാജസ്ഥാൻ വൈഭാവിന് അവസരം നൽകിയത്. കൂടാതെ ഓപണിംഗിൽ ടീമിനായി വെടിക്കെട്ട് പ്രകടനം നടത്തിയ യശസ്വി ജയ്സ്വാൾ (54*) മുന്നിൽ നിന്ന് ടീമിനെ നയിക്കുന്നുണ്ട്.
രാജസ്ഥാനെതിരെ ലക്നൗ സൂപ്പർ ജയൻറ്സ് വിജയ ലക്ഷ്യമായി കുറിച്ചത് 181 റൺസായിരുന്നു. ലുക്നൗവിനായി ഐഡൻ മാർക്ക്രം 66 റൺസും, ആയുഷ് ബഡോണി 50 റൺസും നേടി. അവസാനം അബ്ദുൾ സമദ് (30*) മികച്ച പ്രകടനം നടത്തി സ്കോർ 180 ഇൽ എത്തിച്ചു. എന്നാൽ ക്യാപ്റ്റൻ ഋഷഭ് പന്ത് ആകട്ടെ വീണ്ടും ഫ്ലോപ്പായിരിക്കുകയാണ്. താരം 9 പന്തിൽ വെറും 3 റൺസായിരുന്നു നേടിയത്. ഇതോടെ താരത്തിന് നേരെ വൻ ആരാധകരോക്ഷമാണ് ഉയർന്നു വരുന്നത്.