സൈനിക സേവനത്തിനുശേഷം തിരിച്ചെത്തിയ ഇന്ത്യന്‍ ക്രിക്കറ്റ് താരം മഹേന്ദ്രസിങ് ധോണിയുടെ “പുത്തന്‍ ലുക്ക് സോഷ്യല്‍ മീഡിയയില്‍ വൈറല്‍. ജെയ്പുര്‍ വിമാനത്താവളത്തില്‍ വെച്ച് ധോണിയെ കണ്ട ആരാധകരില്‍ ചിലര്‍ ക്യാമറയില്‍ പകര്‍ത്തിയ ചിത്രങ്ങളാണ് പുറത്തു വന്നിരിക്കുന്നത്. സാള്‍ട്ട് ആന്‍ഡ് പെപ്പര്‍ ശൈലിയിലുള്ള കുറ്റിത്താടിയും തലയില്‍ക്കെട്ടോടെയുമാണ് ധോണി ചിത്രത്തില്‍.
വെസ്റ്റിന്‍ഡീസ് പര്യടനത്തിനുളള ഇന്ത്യന്‍ ടീമില്‍ നിന്നും സ്വയം പിന്മാറി ധോണി സൈനിക സേവനത്തിനായി പോവുകയായിരുന്നു. 106 ടെറിട്ടോറിയല്‍ ആര്‍മി പാരഷൂട്ട് റെജിമെന്റില്‍ ഓണററി ലഫ്റ്റനന്റ് കേണലായ ധോണി വിക്ടര്‍ ഫോഴ്‌സിനൊപ്പമാണ് 15 ദിവസം സേവനമനുഷ്ടിച്ചത്. പട്രോളിങ്, സൈനിക പോസ്റ്റ് ഡ്യൂട്ടി, കാവല്‍ തുടങ്ങിയ ദൗത്യങ്ങളാണ് ഇക്കാലയളവില്‍ ധോണി നിര്‍വഹിച്ചത്.
ലോക കപ്പിന് പിന്നാലെ വിരമിക്കലുമായി ബന്ധപ്പെട്ട് ഊഹാപോഹങ്ങള്‍ വ്യാപകമായി പ്രചരിക്കുന്നതിനിടേയാണ് ധോണി സൈനിക സേവനത്തിനായി പോയത്. ധോണിയുടെ പുത്തന്‍ ലുക്കിലുള്ള തിരിച്ചുവരവ് ക്രിക്കറ്റ് ഗ്രൗണ്ടിലും ഉണ്ടായേക്കുമെന്ന പ്രതീക്ഷയിലാണ് ആരാധകര്‍.
https://www.instagram.com/p/B1ihLwcgA6p/?utm_source=ig_web_copy_link