ഐപിഎല്‍ 15ാം സീസണിലെ രണ്ടാം ക്വാഷിഫയര്‍ മത്സരത്തില്‍ രാജസ്ഥാന്‍ റോയല്‍സ് ഇന്ന് റോയല്‍ ചലഞ്ചേഴ്സ് ബാംഗ്ലൂരിനെ നേരിടും. അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് മത്സരം. ഈ മത്സരത്തില്‍ ജയിക്കുന്നവര്‍ ഫൈനയില്‍ ഗുജറാത്തിനെ നേരിടും. ഇപ്പോഴിതാ ഈ നിര്‍ണായക പോരാട്ടത്തില്‍ ആര്‍സിബിയെ പിന്തുണച്ച് രംഗത്ത് വന്നിരിക്കുകയാണ് ഓസീസ് സൂപ്പര്‍ താരം മാര്‍നസ് ലബുഷെയ്ന്‍.
ട്വിറ്ററിലൂടെയാണ് ലബുഷെയ്ന്‍ ആര്‍സിബിയ്ക്ക് പിന്തുണ പ്രഖ്യാപിച്ചത്. സീസണില്‍ ആര്‍സിബി കിരീടം നേടുമെന്നും കോഹ്‌ലിയില്‍ നിന്ന് വലിയ ഇന്നിംഗ്സ് വരുമെന്നുമാണ് ലബുഷെയ്ന്‍ പറഞ്ഞത്. ഒരു ആരാധകന്റെ ചോദ്യത്തിന് നല്‍കിയ മറുപടിയിലാണ് ലബുഷെയ്ന്‍ ഇക്കാര്യം പറഞ്ഞത്.
ആദ്യ ക്വാളിഫയറില്‍ രാജസ്ഥാന്‍ റോയല്‍സ് ഗുജറാത്ത് ടൈറ്റന്‍സിനോട് തോറ്റപ്പോള്‍ ആര്‍സിബി എലിമിനേറ്ററില്‍ ലഖ്‌നൗ സൂപ്പര്‍ ജയ്ന്റ്‌സിനെ തകര്‍ത്താണ് രണ്ടാം ക്വാളിഫയറിലേക്കെത്തിയത്. തോല്‍ക്കുന്ന ടീം ഫൈനല്‍ കാണാതെ പുറത്താവുമെന്നതിനാല്‍ ജയം മാത്രം മുന്നില്‍ക്കണ്ടാവും രണ്ട് ടീമിന്റെയും വരവ്.
ആദ്യ ക്വാളിഫയറില്‍ ഗുജറാത്ത് വിജയിച്ചതിന്റെ പ്രധാന കാരണം അവര്‍ രാജസ്ഥാന്റെ സ്പിന്നര്‍മാരെ നന്നായി കളിച്ചതാണ്. ഒറ്റ വിക്കറ്റും സ്പിന്നര്‍മാര്‍ക്ക് കിട്ടിയില്ല. യുസവേന്ദ്ര ചഹല്‍ വിക്കറ്റില്ലാതെയാണ് മടങ്ങിയത്. രണ്ടാം ക്വാളിഫയറില്‍ ചഹല്‍ ഇംപാക്ട് ടീമിന് പ്രധാനമാണ്.
തകര്‍പ്പന്‍ സെഞ്ചറി നേടിയ ആഭ്യന്തര താരം രജത് പഠിദാറാണ് അവരുടെ പുതിയ വജ്രായുധം. നിര്‍ണായക മത്സരങ്ങളില്‍ കോഹ്‌ലി ഫോമിലേക്കു തിരിച്ചെത്തുന്നത് ടീമിനു നല്ല സൂചനയാണ്.