ആദ്യ മത്സരത്തിൽ റോയൽ ചലഞ്ചേഴ്സ് ബാംഗ്ലൂരിനോട് നാണംകെട്ട തോൽവിക്ക് ശേഷം, ഏപ്രിൽ 8 ന് മുംബൈയിലെ വാങ്കഡെ സ്റ്റേഡിയത്തിൽ ചെന്നൈ സൂപ്പർ കിംഗ്സുമായി ഏറ്റുമുട്ടുമ്പോൾ സീസണിലെ ആദ്യ വിജയം നേടാനുള്ള ശ്രമത്തിലാണ് മുംബൈ ഇന്ത്യൻസ്.
അതേസമയം, എംഎസ് ധോണിയുടെ നേതൃത്വത്തിലുള്ള ടീം ഗുജറാത്ത് ടൈറ്റൻസിനെതിരായ ആദ്യ കളിയിൽ പരാജയപ്പെട്ടെങ്കിലും ലഖ്നൗ സൂപ്പർ ജയന്റ്സിനെതിരെ ശക്തമായ തിരിച്ചുവരവ് നടത്തി, ഇതോടെ പോയിന്റ് പട്ടികയിൽ ടീം നിലവിൽ ആറാം സ്ഥാനത്താണ്.
അങ്ങനെയാണെങ്കിലും, രണ്ട് തവണ ലോക ചാമ്പ്യനായ യൂസഫ് പത്താൻ ഒരു ജയത്തിന് ശേഷമാണ് ചെന്നൈ വരുന്നതെങ്കിലും, മുംബൈയെ അവരുടെ തട്ടകത്തിൽ തോൽപ്പിക്കുക പ്രയാസമാണെന്ന് ടീമിനെ ഓർമ്മിപ്പിച്ചു. മുംബൈയിലെ ആരാധകർ എപ്പോഴും സിഎസ്കെ ക്യാപ്റ്റൻ എംഎസ് ധോണിക്ക് വേണ്ടി ആർപ്പുവിളിക്കുമെന്നും എന്നാൽ അവസാനം, മുംബൈ രണ്ട് പോയിന്റ് നേടണമെന്ന് അവർ ആഗ്രഹിക്കുമെന്നും മുൻ ക്രിക്കറ്റ് താരം ചൂണ്ടിക്കാട്ടി.
“എംഎസ് ധോണി തന്റെ പ്രകടനത്തിലൂടെ തങ്ങളെ രസിപ്പിക്കണമെന്ന് മുംബൈയിലെ ആരാധകർ എപ്പോഴും ആഗ്രഹിക്കും, പക്ഷേ മുംബൈ ഇന്ത്യൻസ് മത്സരം വിജയിക്കണമെന്ന് ഞാൻ ആഗ്രഹിക്കുന്നു . മുംബൈയുടെ ഗ്രൗണ്ടിൽ അവരെ തോൽപ്പിക്കുക പ്രയാസമാണെന്ന് നിങ്ങൾകെ മനസിലാകും. സിഎസ്കെയും എംഐയും തമ്മിൽ വാങ്കഡെ സ്റ്റേഡിയത്തിൽ ഇതുവരെ 10 മത്സരങ്ങൾ നടന്നിട്ടുണ്ട്, ഏഴ് തവണ എംഐ വിജയിച്ചു. നിങ്ങൾ കണക്കുകളിൽ വിശ്വസിക്കുന്നുവെങ്കിൽ, മുംബൈ ഇന്ത്യൻസ് തീർച്ചയായും ആ രണ്ട് സുപ്രധാന പോയിന്റുകൾ നേടും , ”സ്റ്റാർ സ്പോർട്സിനോട് സംസാരിക്കവെ യൂസഫ് പത്താൻ പറഞ്ഞു.