ന്യൂസീലന്‍ഡിനെതിരായ രണ്ടാം ട്വന്റി20യില്‍ ഫീല്‍ഡിംഗില്‍ കോഹ്ലി പ്രദര്‍പ്പിച്ചത് രണ്ട് മുഖം. ആദ്യം നായകന്റെ മുഖം പ്രദര്‍ശിപ്പിച്ച കോഹ്ലി പിന്നീട് വില്ലനായും അഭിനയിച്ചു. ന്യൂസിലന്‍ഡ് ബാറ്റ് ചെയ്യുമ്പോള്‍ രണ്ടു ക്യാച്ചുകള്‍ സ്വന്തമാക്കിയ കോഹ്ലി, കൂട്ടത്തില്‍ ഏറ്റവും നിസാര ക്യാച്ച് കൈവിടുകയും ചെയ്തു.
ടോസ് നേടി ബാറ്റിംഗ് തിരഞ്ഞെടുത്ത കിവീസിന് തുടര്‍ച്ചയായ രണ്ടാം മത്സരത്തിലും സ്‌ഫോടനാത്മക തുടക്കം സമ്മാനിച്ച ഓപ്പണര്‍മാരായ മാര്‍ട്ടന്‍ ഗപ്ടില്‍, കോളിന്‍ മണ്‍റോ എന്നിവരെയാണ് കോഹ്ലി ക്യാച്ചെടുത്തു പുറത്താക്കിയത്. ഇതില്‍ മണ്‍റോയെ പുറത്താക്കാനെടുത്ത ക്യാച്ച് അതിമനോഹരമായിരുന്നു.
എന്നാല്‍ കിവീസ് ഇന്നിംഗ്സിലെ അവസാന ഓവറുകളില്‍ കഴിഞ്ഞ മത്സരത്തിലെ അര്‍ദ്ധസെഞ്ച്വറി വീരന്‍ റോസ് ടെയിലര്‍ സമ്മാനിച്ച നിസാര ക്യാച്ച് കോഹ്ലി കൈവിട്ടത് ആരാധകരെ ഞെട്ടിച്ചു. ജസ്പ്രിത് ഭുംറ ബോള്‍ ചെയ്ത ഈ ഓവറിലെ മൂന്നാം പന്ത് റോസ് ടെയിലര്‍ ഉയര്‍ത്തിയടിച്ചു. ലോംഗ് ഓണിലേക്ക് ഉയര്‍ന്നു പൊങ്ങിയ പന്ത് കോഹ്ലി അനായാസം കൈപ്പിടിയിലൊതുക്കുമെന്നാണ് എല്ലാവരും കരുതിയത്. എന്നാല്‍ എല്ലാവരെയും അതിശയിപ്പിച്ച് പന്ത് കോഹ്ലിയുടെ കയ്യില്‍ത്തട്ടി തെറിയ്ക്കുകയായിരുന്നു.
https://twitter.com/barainishant/status/1221351491312799746?ref_src=twsrc%5Etfw%7Ctwcamp%5Etweetembed%7Ctwterm%5E1221351491312799746&ref_url=https%3A%2F%2Fwww.manoramaonline.com%2Fsports%2Fcricket%2F2020%2F01%2F26%2Fvirat-kohli-s-drop-catch-stuns-jasprit-bumrah-in-auckland-2nd-t20.html
മത്സരത്തിലെ ആദ്യ വിക്കറ്റിനായി കാത്തിരുന്ന ഭുംറ ഇത് കണ്ട് അദ്ഭുതത്തോടെ വാപൊത്തി. കോഹ്ലിയും നാണംകെട്ട് മുഖംപൊത്തുകയായിരുന്നു.