അരാധകന്റെ ഒരു പിശകിനെ തിരുത്തുകയും ട്രോളുകയും ചെയ്ത ഇന്ത്യന്‍ താരം രവീന്ദ്ര ജഡേജയ്ക്ക് കിട്ടിയത് മുട്ടന്‍ പണി. ടെസ്റ്റില്‍ മികച്ച പ്രകടനം കാഴ്ച്ചവെച്ച ജഡേജയെ അഭിനന്ദിച്ച ആരാധകനെയാണ് ജഡേജ ട്രോളാന്‍ ശ്രമിച്ച് പണിവാങ്ങിയത്.
ഇന്ത്യക്ക് വേണ്ടി മികച്ച പ്രകടനം കാഴ്ചവെച്ച ജഡേജയെ അഭിനന്ദിക്കാന്‍ വന്ന ഒരു ആരാധകന്‍ പറഞ്ഞു “” നന്നായി പന്തെറിഞ്ഞു “അജയ്” അവസാനത്തെ മാച്ചില്‍ താങ്കള്‍ മികച്ച പ്രകടനം പുറത്തെടുത്തു””
എന്നാല്‍ അജയ് എന്ന് തന്നെ വിളിച്ചതില്‍ അതൃപ്തി പരസ്യമാക്കി കൊണ്ടായിരുന്നു ജഡേജ ഇതിന് മറുപടി നല്‍കിയത്. “”രാജ്യത്തിന് വേണ്ടി 9 വര്‍ഷം അന്താരാഷ്ട്ര ക്രിക്കറ്റ് കളിച്ചു എന്നിട്ടും ജനങ്ങള്‍ക്ക് എന്റെ പേര് ഓര്‍മയില്ല”” മണ്ടത്തരം… ഇങ്ങനെയായിരുന്നു ജഡ്ഡുവിെന്റ ട്വീറ്റ്.
ഇന്ത്യയുടെ മികച്ച കളിക്കാരനും ജനപ്രിയനുമായിരുന്ന “അജയ് ജഡേജ”യാണെന്ന് തെറ്റിധരിച്ച് രവീന്ദ്ര ജഡേജയെ അഭിനന്ദിച്ച ആരാധകനോടുള്ള രോഷം നിറഞ്ഞ് നില്‍ക്കുന്നതായിരുന്നു ആ വരികള്‍.
എന്നാല്‍ ഇതോടെ ആരാധകര്‍ ജഡേജയെ അക്ഷരാര്‍ത്ഥത്തില്‍ കൈകാര്യം ചെയ്തിരിക്കുകയാണിപ്പോള്‍. കോയി ബാത് നഹി അജയ് മാഫ് കര്‍ദോ ഉസേ, ജന്മദിനാശംസകള്‍ അജയ്, നന്നായി പന്തെറിഞ്ഞു അജയ് തുടങ്ങി ജഡ്ഡുവിെന്റ പരിഭവ ട്വീറ്റിന് ശേഷം, അജയ് എന്നു മാത്രമായി ആരാധകരുടെ വിളി. ഏതായാലും മുട്ടന്‍ പണി കിട്ടിയ സന്തോഷത്തിലാണ് ജഡേജയിപ്പോള്‍.
https://twitter.com/CricFarmer/status/939003747451015171?ref_src=twsrc%5Etfw&ref_url=http%3A%2F%2Fwww.madhyamam.com%2Fsports%2Fsports-news%2Fcricket%2Fravindra-jadeja-left-fuming-after-fan-calls-him-ajay-sports-news%2F2017%2Fdec
https://twitter.com/SRKsTrooper/status/939007971186454528?ref_src=twsrc%5Etfw&ref_url=http%3A%2F%2Fwww.madhyamam.com%2Fsports%2Fsports-news%2Fcricket%2Fravindra-jadeja-left-fuming-after-fan-calls-him-ajay-sports-news%2F2017%2Fdec