ഈ സീസണിലെ വിജയക്കുതിപ്പിനു പിന്നില്‍ ഒരുപാട് പ്ലാനിങ്ങുണ്ട് തിരശീലയ്ക്കു പിറകില്‍ ഒരുപാട് പ്ലാനിംഗുകള്‍ നടന്നിട്ടുണ്ട്. ഞങ്ങള്‍ വളരെ നന്നായിട്ടാണ് കളിച്ചുകൊണ്ടിരിക്കുന്നത്. ഞങ്ങള്‍ അല്‍പ്പം ഭാഗ്യമുള്ളവരും കൂടിയാണ്. ഈയൊരു പ്രക്രിയ ശരിയായി തുടരേണ്ടത് ആവശ്യമാണ്. ടീം മീറ്റിങ്ങുകളില്‍ പ്രക്രിയകള്‍ ടിക്ക് ചെയ്യുന്നതിനെക്കുറിച്ച് ഞങ്ങള്‍ സംസാരിക്കാറുണ്ട്. ഞങ്ങളെ സംബന്ധിച്ച് ഒരു സമയത്തു ഒരു മല്‍സരം മാത്രമേയുള്ളൂ- സഞ്ജു പറഞ്ഞു.
വിക്കറ്റിനു പിന്നില്‍ നില്‍ക്കാന്‍ കഴിയുന്നതില്‍ ഞാന്‍ വലിയ ഭാഗ്യവാനാണ്. കാരണം ഇവിടെ നില്‍ക്കുമ്പോള്‍ പിച്ചിനെക്കുറിച്ച് കൃത്യമായി വിലയിരുത്താന്‍ എനിക്കു സാധിക്കും. ഈ മല്‍സരത്തില്‍ ന്യൂബോളില്‍ ബോളര്‍മാര്‍മാര്‍ക്കു അല്‍പ്പം ആനുകൂല്യം ലഭിച്ചിരുന്നു. അതിനു ശേഷം ബാറ്റ് ചെയ്യാന്‍ മികച്ച വിക്കറ്റും കൂടിയായിരുന്നു ഇത്. പവര്‍പ്ലേയില്‍ ഒരോവര്‍ ബോള്‍ ചെയ്യാനെത്തിയവരെല്ലാം നല്ല പ്രകടനം തന്നെ കാഴ്ചവെച്ചു- സഞ്ജു പറഞ്ഞു.
മത്സരത്തില്‍ അര്‍ദ്ധ സെഞ്ച്വറി നേടി വിജയത്തില്‍ നിര്‍ണായക പങ്കുവഹിച്ച യുവതാരം ധ്രുവ് ജുറേലിനെ സഞ്ജു പ്രശംസിച്ചു. ഈ ഫോര്‍മാറ്റില്‍ ഫോമെന്നത് താല്‍ക്കാലികം മാത്രമാണ്. ജുറേലിനെ ടെസ്റ്റില്‍ ഇന്ത്യന്‍ ടീമിനോടൊപ്പം നമ്മള്‍ കണ്ടിട്ടുള്ളതാണ്. ഞങ്ങള്‍ അവനില്‍ വിശ്വസിക്കുകയും ചെയ്യുന്നു. നെറ്റ്സില്‍ ജുറേല്‍ ഒരു മണിക്കൂറൂം രണ്ടു മണിക്കൂറുമെല്ലാം ബാറ്റിംഗില്‍ പരിശീലനം നടത്താറുണ്ട്- സഞ്ജു കൂട്ടിച്ചേര്‍ത്തു.