ഐപിഎലില് ആര്സിബി പേസറായ യഷ് ദയാലിനെ കുറിച്ച് ഇന്ത്യന് മുന് താരം മുരളി കാര്ത്തിക് നടത്തിയ പരാമര്ശത്തിനെതിരെ വിമര്ശനം. ‘ചിലരുടെ കുപ്പ ചിലര്ക്ക് നിധി’ എന്നായിരുന്നു യഷ് ദയാലിനെക്കുറിച്ച് മുരളി കാര്ത്തിക് നടത്തിയ പരാമര്ശം. പഞ്ചാബ് കിംഗ്സിനെതിരായ താരത്തിന്റെ പ്രകടനത്തിന്റെ പശ്ചാത്തലത്തിലായിരുന്നു മുരളിയുടെ ഈ പരാമര്ശം.
കഴിഞ്ഞ ഐപിംഎല് സീസണില് ഗുജറാത്ത് ടൈറ്റന്സിന്റെ ഭാഗമായിരുന്നു ദയാല്. അന്ന് കെകെആറിന്റെ റിങ്കു സിംഗ് തുടര്ച്ചയായി അഞ്ച് സിക്സറുകള് പറത്തിയത് യഷ് ദയാലിന്റെ ഓവറിലായിരുന്നു. പിന്നാലെ സീസണിന് ശേഷം ദയാലിനെ ഗുജറാത്ത് റിലീസ് ചെയ്യുകയും മിനി ലേലത്തില് ആര്സിബി സ്വന്തമാക്കുകയുമായിരുന്നു.
ഈ സീസണിലെ ആദ്യ മത്സരത്തില് ചെന്നൈ സൂപ്പര് കിംഗ്സിനെതിരെ 28 റണ്സ് വഴങ്ങി ഒരു വിക്കറ്റാണ് യഷ് ദയാല് നേടിയത്. അതേസമയം പഞ്ചാബ് കിംഗ്സിനെതിരെയായ മത്സരത്തില് താരം കൂടുതല് അപകടകാരിയായി. മത്സരത്തിന്റെ പവര് പ്ലേയില് മൂന്ന് ഓവറില് 10 റണ്സ് മാത്രമാണ് 10 റണ്സ് മാത്രമാണ് യഷ് ദയാല് വിട്ടു നല്കിയത്.
ഇതിന്റെ പശ്ചാത്തലത്തിലായിരുന്നു മുരളിയുടെ പരാമര്ശം. ഇതിനെതിരെ വ്യാപക വിമര്ശനമാണ് സോഷ്യല് മീഡിയയില് ഉയരുന്നത്. മുരളി കാര്ത്തിക് യുവതാരത്തെ അപമാനിച്ചുവെന്നാണ് സോഷ്യല് മീഡിയയില് ആരാധകര് പറയുന്നത്.
ഉത്തര്പ്രദേശ് താരമായ യഷ് ദയാല് ഫസ്റ്റ് ക്ലാസ് ക്രിക്കറ്റില് മികച്ച റെക്കോര്ഡുള്ള താരമാണ്. 23 മത്സരങ്ങളില് നിന്നും 72 വിക്കറ്റുകള് താരം നേടിയിട്ടുണ്ട്.