ഐപിഎല്‍ 2024-ല്‍ റിയാന്‍ പരാഗിന് തകര്‍പ്പന്‍ തുടക്കമാണ് ലഭിച്ചിരിക്കുന്നത്. കഴിഞ്ഞ വര്‍ഷം രാജസ്ഥാന്‍ റോയല്‍സിനായി തുടര്‍ച്ചയായി മോശം പ്രകടനം നടത്തിയതിന് ശേഷം പരാഗ് ക്രൂരമായി പരിഹസിക്കപ്പെടുകയും വിമര്‍ശിക്കപ്പെടുകയും ചെയ്തു. എന്നിരുന്നാലും, ഫ്രാഞ്ചൈസി യുവതാരത്തിന് മികച്ച പിന്തുണ നല്‍കി. സയ്യിദ് മുഷ്താഖ് അലി ട്രോഫിയില്‍ അസമിനായി തകര്‍പ്പന്‍ പ്രകടനമാണ് പരാഗ് കാഴ്ചവെച്ചത്. അത് ഐപിഎലിലും തുടരുകയാണ്.
തന്റെ വിമര്‍ശകരെ ഞെട്ടിപ്പിക്കുന്ന ബാറ്റിംഗ് പ്രകടനമാണ് താരം ഈ സീസണില്‍ കാഴ്ചവയ്ക്കുന്നത്. സീസണിലെ തന്റെ ആദ്യ മത്സരത്തില്‍, പരാഗ് 29 പന്തില്‍ 43 റണ്‍സ് അടിച്ചുകൂട്ടി രാജസ്ഥാനെ ഉയര്‍ന്ന നിലയില്‍ എത്തിക്കാന്‍ സഹായിച്ചു. ഡല്‍ഹി ക്യാപിറ്റല്‍സിനെതിരായ മുന്‍ മത്സരത്തില്‍ മറുവശത്ത് വിക്കറ്റുകള്‍ വീഴുന്നത് കണ്ട അദ്ദേഹം അതിലും മികച്ചതായിരുന്നു. അദ്ദേഹം മികച്ച പക്വത കാണിക്കുകയും തന്റെ സ്വാഭാവിക സഹജാവബോധം നിയന്ത്രിക്കുകയും സ്ട്രൈക്ക് റൊട്ടേറ്റ് ചെയ്യുകയും ടീമിനെ പുനര്‍നിര്‍മ്മിക്കാന്‍ സഹായിക്കുകയും ചെയ്തു.
അവസാന കുറച്ച് ഓവറുകളില്‍ ബീസ്റ്റ് മോഡ് അഴിച്ചുവിട്ട അദ്ദേഹം 45 പന്തില്‍ ആറ് സിക്സറുകളും ഏഴ് ബൗണ്ടറികളും സഹിതം 84 റണ്‍സ് നേടി. പരാഗിന്റെ ഈ വീര ഇന്നിംഗ്‌സിന് പിന്നാലെ ഐപിഎലിലെ ഒരോവറില്‍ നാല് സിക്സറുകള്‍ പറത്തുമെന്ന താരത്തിന്റെ പഴയ ട്വീറ്റ് സോഷ്യല്‍ മീഡിയയില്‍ വൈറലായിരിക്കുകയാണ്.
‘ഈ ഐപിഎല്ലില്‍ ഏതെങ്കിലുമൊരു ഘട്ടത്തില്‍ ഞാന്‍ ഒരു ഓവറില്‍ 4 സിക്സറുകള്‍ അടിക്കുമെന്ന് എന്റെ ആന്തരിക മനസ്സ് പറയുന്നു,’ എന്നാണ് 2023 മെയ് 24 ന് പങ്കുവെച്ച ട്വീറ്റില്‍ താരം പറഞ്ഞത്.