ഐ.പി.എല്‍ 13ാം സീസണിലെ രണ്ടാം മത്സരത്തില്‍ കിംഗ്സ് ഇലവന്‍ പഞ്ചാബും ഡല്‍ഹി ക്യാപിറ്റല്‍സും ഏറ്റുമുട്ടും. ദുബായ് ഇന്റര്‍നാഷണല്‍ സ്റ്റേഡിയത്തില്‍ ഇന്ത്യന്‍ സമയം വൈകിട്ട് 7.30 നാണ് മത്സരം. മത്സരത്തില്‍ ടോസ് നേടിയ പഞ്ചാബ് ബോളിംഗ് തിരഞ്ഞെടുത്തു. പഞ്ചാബ് നിരയില്‍ ഗെയ്ല്‍ ഇന്നത്തെ മത്സരത്തിനിറങ്ങില്ല. പരിശീലനത്തിനിടെ പരിക്കേറ്റ ഇഷാന്ത് ശര്‍മ്മ ഡല്‍ഹി നിരയില്‍ കളിക്കുന്നില്ല.
ഗ്ലെന്‍ മാക്സ്വെല്, നിക്കോളാസ് പുരാന്‍, ക്രിസ് ജോര്‍ദാന്‍, ഷെല്‍ഡണ്‍ കോട്രല്‍ എന്നിവരാണ് പഞ്ചാബ് ടീമില്‍ ഇടംപിടിച്ച വിദേശ താരങ്ങള്‍. ഡല്‍ഹി നിരയില്‍ ഷിംറോണ്‍ ഹെറ്റ്മയര്‍, കഗീസോ റബാഡ, മാര്‍ക്കസ് സ്റ്റോയ്‌നിസ്, ആന്റിച് നോര്‍ജെ എന്നിവരാണ് വിദേശികള്‍.
ഡല്‍ഹി ടീം: ശിഖര്‍ ധവാന്‍, പൃഥ്വി ഷാ, ശ്രേയസ് അയ്യര്‍ (ക്യാപ്റ്റന്‍), ഋഷഭ് പന്ത്, ഷിംറോണ്‍ ഹെറ്റ്മയര്‍, മാര്‍ക്കസ് സ്റ്റോയ്‌നിസ്, അക്‌സര്‍ പട്ടേല്‍, രവിചന്ദ്രന്‍ അശ്വിന്‍, കഗീസോ റബാദ, ആന്റിച് നോര്‍ജെ, മോഹിത് ശര്‍മ
പഞ്ചാബ് ടീം: ലോകേഷ് രാഹുല്‍ (ക്യാപ്റ്റന്‍), മായങ്ക് അഗര്‍വാള്‍, കരുണ്‍ നായര്‍, സര്‍ഫറാസ് ഖാന്‍, ഗ്ലെന്‍ മാക്സ്വെല്, നിക്കോളാസ് പുരാന്‍, കൃഷ്ണപ്പ ഗൗതം, ക്രിസ് ജോര്‍ദാന്‍, ഷെല്‍ഡണ്‍ കോട്രല്‍, രവി ബിഷ്‌ണോയ്, മുഹമ്മദ് ഷമി
ബാറ്റ്സ്മാന്‍മാരെ നന്നായി പിന്തുണയ്ക്കുന്ന മൈതാനമാണ് ദുബായിലേത്. ഇവിടെ നടന്ന ടി20 മത്സരങ്ങളില്‍ ആദ്യം ബാറ്റ് ചെയ്ത് പല ടീമും 200ന് മുകളില്‍ സ്‌കോര്‍ നേടിയിട്ടുണ്ട്. അതിനാല്‍ തന്നെ നല്ലൊരു ബാറ്റിംഗ് പ്രകടനം ഇന്നത്തെ കളിയില്‍ ആരാധകര്‍ക്ക് പ്രതീക്ഷിക്കാം.