സുവര്ണ കാലത്ത് പ്രശംസകൊണ്ടും സമ്മാനങ്ങള്കൊണ്ടും ആവോളം മൂടുക…മോശം കാലത്ത് അവഗണനയുടെ പടുകുഴിയിലേക്ക് ചവിട്ടിത്താഴ്ത്തുക, ഇന്ത്യന് ക്രിക്കറ്റ് പതിറ്റാണ്ടുകളായി തുടരുന്ന ശീലമാണിത്. ഇതിഹാസ താരം സച്ചിന് ടെണ്ടുല്ക്കര്മാത്രമേ, കോടിക്കണക്കിന് ആരാധകരുടെ പിന്തുണയില് അത്തരത്തിലെ ദൈന്യാവസ്ഥയുടെ സ്പര്ശനത്തില് നിന്ന് രക്ഷപെട്ടിട്ടുള്ളു. കപില് ദേവില് തുടങ്ങി സൗരവ് ഗാംഗുലിയും വീരേന്ദര് സെവാഗും എം.എസ് ധോണിയും അടക്കമുള്ള മഹാരഥന്മാര് ഇന്ത്യന് ക്രിക്കറ്റ് മേലാളന്മാരില് നിന്ന് അത്തരത്തിലെ തിക്തഫലങ്ങള് അനുഭവിച്ചിട്ടുണ്ട്.