ഇന്ത്യയ്ക്കെതിരെ നടക്കാനിരിക്കുന്ന അഞ്ച് മത്സരങ്ങളുടെ ടെസ്റ്റ് പരമ്പരയില്‍ നിന്ന് ഹാരി ബ്രൂക്ക് പിന്മാറി. വ്യക്തിപരമായ കാരണങ്ങളാലാണ് താരത്തിന്റെ പിന്മാറ്റം. ഇന്ത്യന്‍ പര്യടനം അവസാനിപ്പിച്ച് ഉടന്‍ തന്നെ അദ്ദേഹം നാട്ടിലേക്ക് മടങ്ങും.
ഈ സമയത്ത് എല്ലാവരും അവരുടെ സ്വകാര്യതയെ മാനിക്കണമെന്ന് ബ്രൂക്കിന്റെ കുടുംബം അഭ്യര്‍ത്ഥിച്ചു. മാധ്യമങ്ങളോടും ആരാധകരോടും അഭിപ്രായങ്ങള്‍ പറയുന്നതില്‍ നിന്നും വ്യക്തിജീവിതത്തിലേക്ക് കടന്നുകയറുന്നതില്‍നിന്നും വിട്ടുനില്‍ക്കണമെന്നും ഇംഗ്ലണ്ട് ക്രിക്കറ്റ് ബോര്‍ഡ് അഭ്യര്‍ത്ഥിച്ചു.
റെഡ് ബോള്‍ മത്സരങ്ങളില്‍ ഇംഗ്ലണ്ടിനായി മികച്ച പ്രകടനം കാഴ്ചവയ്ക്കുന്ന താരമാണ് ബ്രൂക്ക്. അദ്ദേഹത്തിന്റെ അഭാവം ബെന്‍ സ്റ്റോക്സിന്റെ നേതൃത്വത്തിലുള്ള ടീമിന് വലിയ നഷ്ടമായിരിക്കും.
ജനുവരി 25-ന് ഹൈദരാബാദിലാണ് പരമ്പരയിലെ ആദ്യ ടെസ്റ്റ്. ാള്‍റൗണ്ടര്‍ ഡാന്‍ ലോറന്‍സിനെ ബ്രൂക്കിന് പകരക്കാരനായി പ്രഖ്യാപിച്ചു. ഒലോറന്‍സ് തിങ്കളാഴ്ച ടീമിനൊപ്പം ചേരും.
