പാകിസ്ഥാൻ ബൗളിംഗ് ഇതിഹാസം വസീം അക്രം അപൂർവ്വമായി മാത്രമേ ദേഷ്യം പ്രകടിപ്പിക്കാറുള്ളു, എന്നാൽ അടുത്തിടെ നടന്ന ഒരു ക്രിക്കറ്റ് ഷോയിൽ അദ്ദേഹം പ്രകോപിതനായി കാണപ്പെട്ടു.
ഷാർജയിൽ നടക്കുന്ന പാകിസ്ഥാൻ vs അഫ്ഗാനിസ്ഥാൻ ഏഷ്യാ കപ്പ് സൂപ്പർ 4 പോരാട്ടത്തിന് മുന്നോടിയായി മായന്തി ലാംഗർ ഇന്ത്യയെക്കുറിച്ച് ചോദിച്ചപ്പോൾ, അദ്ദേഹം സഞ്ജയ് മഞ്ജരേക്കറിനോട് ആ ഉത്തരം പറയാനുള്ള അവസരം കൊടുക്കുക ആയിരുന്നു.
മായന്തി ലാംഗർ: “ഇന്ത്യ ഒരുപാട് വിക്കറ്റുകൾ തുടക്കത്തിലേ നഷ്ടപ്പെട്ട് , അതിനാൽ നിങ്ങൾ (ഡെത്ത് ഓവറിലേക്ക് വരുമ്പോൾ ) വിക്കറ്റുകൾ കൈയിലില്ല. ലോകകപ്പ് വരെ ഇത് തുടരുകയാണോ?”
വസീം അക്രം: “നിങ്ങൾ തന്നെ പറയുക സഞ്ജയ്!”
മായന്തി ലാംഗർ: “ഇല്ല വാസിം, നിങ്ങൾ എന്താണ് പറയുന്നതെന്ന് എനിക്ക് കേൾക്കണം.”
വസീം അക്രം: “രോഹിത് ശർമ്മ ബുദ്ധിമുട്ടുന്നതായി കാണുന്നുണ്ട്. മറ്റ് രണ്ട് ടീമുകൾ അല്ലെ ഇന്ന് കളിക്കുന്നത്. ഞാൻ ഇന്നലെ ഇന്ത്യക്കുറിച്ച് പകൽ മുഴുവൻ ചർച്ച ചെയ്തു. ഇന്ന് പാക്കിസ്ഥാനും അഫ്ഗാനിസ്ഥാനുമാണ് കളിക്കുന്നത്. കൂടുതൽ ഒന്നും പറയാനില്ല, സഞ്ജയ് തന്നെ പറയുക ബാക്കി .”
അഫ്ഗാനിസ്ഥാൻ തോൽപ്പിച്ച് ഫൈനൽ ഉറപ്പിച്ച പാകിസ്താന്റെ എതിരാളികൾ ശ്രീലങ്കയാണ്.