ഐപിഎലിൽ ഇന്നലെ നടന്ന മത്സരത്തിൽ ഡൽഹി ക്യാപിറ്റൽസിനെതിരെ ചെന്നൈ സൂപ്പർ കിങ്സിന് 8 വിക്കറ്റ് ജയം. ഇതോടെ ചെന്നൈയുടെ പ്ലെഓഫ് സാധ്യതകൾ കൂടി. മലയാളി താരം സഞ്ജു സാംസന്റെ മികവിലാണ് ചെന്നൈക്ക് വിജയിക്കാൻ സാധിച്ചത്.
52 പന്തില് 87 റണ്സെടുത്ത സഞ്ജു ഇന്നിങ്സില് ആറുസിക്സും ഏഴ് ഫോറും നേടി. സഞ്ജുവിനൊപ്പം കാര്ത്തിക് ശര്മയും പോരാടി. 31 പന്തില് കാര്ത്തിക് ശര്മ നേടിയത് 41 റണ്സ്. രണ്ടുസിക്സും നാലുഫോറും ഇന്നിങ്സിലുണ്ടായിരുന്നു. ഉര്വില് പട്ടേലും രണ്ടു സിക്സുകളോടെ 17 റണ്സെടുത്തു. ഇപ്പോഴിതാ വിജയത്തിന് ശേഷം സഞ്ജു സാംസൺ സംസാരിച്ചിരിക്കുകയാണ്.
‘സെഞ്ച്വറി നേടുക എന്നത് വളരെ പ്രേത്യേകത നിറഞ്ഞ ഒന്നാണ്. അത് നേടാനുള്ള ആഗ്രഹമുണ്ടായിരുന്നു. പക്ഷെ അത്രയും സെൽഫിഷ് ആയാൽ മാത്രമേ സെഞ്ച്വറി നേടാൻ സാധിക്കു. എന്റെ പാർട്ട്ണർ നന്നായി കളിക്കുന്നുണ്ടായിരുന്നു. മാത്രമല്ല ഒരു മത്സരം വിജയിപ്പിക്കുന്നതിലൂടെ നമുക്ക് കോൺഫിഡൻസും സന്തോഷവും സംതൃപ്തിയും നൽകും. ഇനിയുമുണ്ടല്ലോ മത്സരങ്ങൾ അപ്പോൾ നമുക്ക് നോക്കാം’ സഞ്ജു പറഞ്ഞു.